بالی ووڈ کی معروف کامیڈین بھارتی سنگھ کا کہنا ہے کہ کم پیسوں میں 6 کی جگہ 3 لطیفے ہی سناؤں گی۔

 حال ہی میں بالی ووڈ کی معروف کامیڈین بھارتی سنگھ نے کامیڈی شوز سے زیادہ اپنے یوٹیوب چینل پر توجہ مرکوز کرنے کے بارے میں بات کی ہے۔

بھارتی سنگھ نے اپنے نئے ویلاگ میں بتایا ہے کہ انہوں نے اپنے یوٹیوب چینل کو زیادہ وقت دینے کا فیصلہ کیوں کیا ہے۔

کامیڈین کا کہنا ہے کہ مجھے بیشتر شوز میں کوویڈ 19 کے بعد معاوضے میں شدید کمی کا سامنا کرنا پڑا ہے۔

انہوں نے کہا کہ جب سے ہم پر وبائی بیماری آئی ہے، شوز کے بجٹ واقعی متاثر ہوئے ہیں اور یہ تمام صنعتوں میں ہوا ہے لیکن کوئی بھی فنکار صحیح سے کام نہیں کرے گا، اگر اُنہیں وہ ادا نہ کیا جائے جس کے وہ مستحق ہیں، اگر میں جو کام کا معاوضہ وصول کیا کرتی تھی، اس کا 25 فیصد بھی آپ نہیں دیں گے تو پھر کام نہیں ہو گا۔

بھارتی نے کہا کہ میں شکایت نہیں کرتی مگر میں 1 لاکھ لیتی تھی، پر اب 50 ہزار لے رہی ہوں تو 6 کی جگہ 3 لطیفے ہی سناؤں گی ناں۔

بھارتی سنگھ نے اپنے ویلاگ میں کہا ہے کہ وہ اپنے بچے کو گھر چھوڑ کر جاتی ہیں، اگر تنخواہ میں کٹوتی ہوتی رہے گی تو اس معاوضے میں وہ اپنے شوز سے ایک قدم پیچھے ہٹنے کے لیے تیار ہیں۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.bolnews.com/urdu/entertainment/2023/08/158452/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/entertainment/2023/08/158452/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں