جویریہ سعود پاکستانی ٹیلی ویژن ایک مقبول ترین اداکارہ اور میزبان ہونے کے ساتھ کامیاب مصنف اور پروڈیوسر بھی ہیں۔ وہ ڈراموں میں اپنے مکالموں اور فی البدی جملوں کے حوالے سے بھی کافی شہرت رکھتی ہیں اور ساتھ ہی ان کی لاجواب اداکاری کردار کو بے مثال بنا دیتی ہیں۔

جویریہ کئی سالوں سے میڈیا انڈسٹری کا حصہ ہیں۔ جویریہ سعود نے فلم اور ٹیلی ویژن کے اداکار سعود قاسمی سے شادی کی ہے اور ان کے دو بچے جنت اور ابراہیم ہیں۔

 جویریہ سعود کے حال ہی  نشر ہونے والے ڈراموں میں ان کی شانداراداکاری کو مداحوں کی جانب سے بے حد سراہا جارہا ہے۔ نند، پرستان اور بے بی باجی ان کے مشہور ڈرامے ہیں جو انہوں نے حالیہ دنوں میں کیے ہیں۔

جویریہ کو حال میں ایک نجی شو میں بطور مہمان مدعو کیا گیا جہاں انہوں نے اپنی ذاتی زندگی کے حوالے کھل کر بات کی۔

جویریہ کا کہنا تھا کہ جب ان کی شادی نہیں ہوئی تھی تو ان کی ایک دوست نے انہیں مشورہ دیا کہ وہ کسی ایسے شخص سے شادی کریں جو ان سے زیادہ کامیاب ہو کیونکہ ہمارے معاشرے میں مرد ایک کامیاب بیوی کو سنبھالنے کے قابل نہیں ہیں۔ وہ عدم تحفظ کا شکار ہوجاتے ہیں اور جویریہ شکر گزار تھیں کہ جب ان کی شادی کی بات چل رہی تھی تو سعود ایک بڑے اسٹار تھے۔ لیکن وہ ڈر بھی رہی تھی۔ سعود ایک فلمی ستارے تھے اور اس وقت ملک کے چوٹی کے ستاروں میں سے ایک تھے۔ انہیں ڈر تھا کہ اگر شادی نہ ہوئی یا کوئی سکینڈل سامنے آیا تو وہ کیا کریں گی۔ لیکن وقت کے ساتھ چیزیں بہتر ہوتی گئی اور آپس میں محبت بڑھنے لگی۔

جویریا کی محبت کا اپنا ایک الگ انداز اور فلسفہ ہے۔ انہوں  نے کہا جب آپ خوشی اور غم میں ایک ساتھ روتے ہیں تو وہی سچی محبت ہے۔

جو یریہ نے مزید کہا کہ شادی کے بعد انہیں سعود سے محبت ہو گئی تھی۔ انہوں نے کہا کہ جس شخص کے ساتھ آپ رہتے ہیں، جو غم میں آپ کے ساتھ روتا ہے اور خوشی میں آپ کے ساتھ ہنستا ہے، وہ شخص جو عادت بن جائے وہ آپ کا سچا پیار ہے۔

انہوں نے یہ بھی بتایا کہ شادی میں سب سے اہم چیز بچے ہیں۔ محبت اس وقت بڑھتی ہے جب آپ کے ساتھ بچے ہوتے ہیں اور آج کل کے جوڑے اس بات کی اہمیت کو نہیں سمجھتے جو بچے پیدا نہیں کرنا چاہتے۔انہوں نے شادی کے لیے سمجھداری اور بے لوثی کے اہم ہونے پر بھی زور دیا۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/entertainment/2023/08/207217/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/entertainment/2023/08/207217/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں