پاکستان شوبز انڈسٹری کے مشہور و معروف اداکار نبیل ظفر نے اپنے ماضی سے متعلق اہم انکشاف کردیا ہے۔

کچھ عرصہ قبل اداکار نبیل ظفر نے اپنے دیے گئے ایک انٹرویو میں بتایا تھا کہ ان کا اصل نام ندیم ظفر ہے اور جب ان کی پہلی فلم ریلیز ہوئی تو وہ بُرے طریقے سے فلاپ ہوگئی، جس پر انہیں نام تبدیل کرنے کا مشورہ دیا گیا۔

ان کا کہنا تھا کہ اس وقت اداکار ندیم سپر اسٹار تھے اور یقینا اب بھی وہ فلم انڈسٹری کا بڑا نام ہیں، اس لیے انہیں مشورہ دیا گیا کہ کنفیوژن ختم کرنے کے لیے اپنا نام تبدیل کریں۔

اداکار نبیل ظفر نے ماضی کا واقعہ بیان کرتے ہوئے بتایا کہ جب 1993 میں ان کا ڈراما ’دن‘ نشر ہو رہا تھا تب انہیں ایک دوست نے کہا کہ فوٹوشوٹ کرتے ہیں اور انہیں میک اپ کرکے عورت بنایا گیا۔

نبیل ظفر کے مطابق جب انہیں عورت کے روپ میں ڈھال دیا گیا تو انہوں نے نوٹ کیا کہ بہت سارے لوگ ان کی طرف دیکھ رہے ہیں۔

ان کا کہنا تھا کہ بعد ازاں وہ عورت کے روپ میں ہی کار ڈرائیونگ کر کے دوسری جگہ پہنچے اور ڈرائیونگ کے دوران انہوں نے راہ چلتے کچھ پوز دیے تو ان کے آگے پیچھے موٹر سائیکل سوار لڑکے جمع ہوگئے۔

اداکار نبیل ظفر نے بتایا کہ موٹر سائیکل سوار لڑکے مسلسل ان کے آگے پیچھے چلتے رہے اور بعد ازاں وہ ایک اخباری دفتر پہنچے، جہاں انہیں فوٹوگرافر دوست نے اخبار کی نئی ایڈیٹر کے طور پر متعارف کروایا اور سب لوگ انہیں خاتون سمجھ کر مزہ لیتے رہے۔

اداکار کے مطابق موٹر سائیکل سوار لڑکے مسلسل ان کے آگے پیچھے چلتے رہے اور بعد ازاں وہ ایک اخباری دفتر پہنچے، جہاں انہیں فوٹوگرافر دوست نے اخبار کی نئی ایڈیٹر کے طور پر متعارف کروایا اور سب لوگ انہیں خاتون سمجھ کر مزہ لیتے رہے۔

انہوں نے بتایا کہ بعد ازاں بات چیت کے دوران ان کی ہنس چھوٹ گئی لیکن اس باوجود اخبار کے دفتر میں موجود افراد نہیں سمجھ پائے اور پھر انہیں سب کو بتانا پڑا کہ وہ عورت نہیں بلکہ نبیل ہیں لیکن اس باوجود کسی کو کچھ سمجھ نہیں آ رہا تھا۔

نبیل ظفر کا کہنا تھا کہ بعد ازاں انہوں نے واضح طور پر سب کو بتایا کہ وہ ڈراما اداکار نبیل ظفر ہیں، جس پر سب کو ہنسی آگئی۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے یوٹیوب چینل کو سبسکرائب کریں  https://bit.ly/3Tv8a3P اور بیل آئیکن پر کلک کریں