معروف پاکستانی کامیڈین و اداکار سہیل احمد نے لیجنڈ اداکار سلطان راہی سے متعلق اہم انکشاف کیا ہے۔

 حال ہی میں معروف پاکستانی کامیڈین و اداکار سہیل احمد نے ایک ویب شو میں بطور مہمان شرکت کی جہاں انہوں نے اپنے کیریئر کے بارے میں گفتگو کی۔

انہوں نے سلطان راہی کے بارے میں انکشاف کیا کہ سلطان راہی کا تعلق تھیٹر سے تھا، سپر اسٹار بننے کے بعد بھی سلطان راہی نے مختلف قسم کے کردار ادا کرنے کی خواہش میں لائیو تھیٹر میں پرفارم کرنا جاری رکھا۔

سہیل احمد نے کہا کہ سلطان راہی مجھ سے کافی متاثر تھے کیونکہ ہم دونوں نے تھیٹر سے انڈسٹری میں قدم رکھا۔

اداکار نے کہا کہ سلطان راہی سوٹ پہن کر فلموں میں نظر آنے کی بھی خواہش رکھتے تھے لیکن پروڈیوسرز صرف گنڈاسا فلمیں بنانے میں دلچسپی رکھتے تھے۔

انہوں نے کہا کہ سلطان راہی سنیما میں منفرد اور مختلف کرداروں کو تلاش کرنے کے مواقع کے خواہاں تھے۔

واضح رہے کہ سلطان راہی کو پاکستانی سنیما کا سب سے بڑا اسٹار ہونے کا اعزاز حاصل تھا، ان کے شاندار کیریئر میں اردو اور پنجابی دونوں زبانوں میں 600 سے زائد فلمیں شامل تھیں اور ان کی ہر فلم نے بے پناہ مقبولیت حاصل کی۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.bolnews.com/urdu/entertainment/2023/08/257642/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/entertainment/2023/08/257642/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں