بالی ووڈ اداکارہ سونم کپور اور ان کے بزنس مین شوہر آنند آہوجا کے بیٹے وایو کپور آہوجا 20 اگست کو 1 سال کے ہو گئے ہیں اور اس موقع پر فیملی کے ہمراہ لی گئیں تصاویر سوشل میڈیا پر کافی وائرل ہورہی ہیں۔

حال ہی میں اداکارہ نے اپنے انسٹاگرام اکاؤنٹ پر اپنے بیٹے کی پہلی سالگرہ کی تقریب کے موقع پر لی جانے والی تصاویر کا مجموعہ شیئر کیا ہے۔

وایو کی پہلی سالگرہ منانے کے لیے اداکارہ کی جانب سے اپنے خاندان کے ساتھ ایک خصوصی پوجا کا اہتمام کیا گیا تھا۔

پہلی تصویر میں سونم اور آنند آہوجا کو وایو کے ساتھ پوجا کرتے دیکھا جا سکتا ہے۔ ایک تصویر میں اداکارہ اپنے بچے کو بازوؤں میں پکڑے ہوئے نظر آ رہی ہیں۔ اداکارہ کے والدین انیل کپور اور ان کی اہلیہ سنیتا کپور کے ساتھ آنند کے والدین بھی تقریب میں موجود تھے۔

سالگرہ کی شیئر کی گئی تصاویر میں بہت سارے پھول، غبارے، اور ایک سجی ہوئی میز بھی شامل ہے، جو کھانے سے بھری ہوئی ہے۔

خیال رہے کہ سونم کپور نے مئی 2018 میں ممبئی میں کاروباری شخصیت آنند آہوجا سے شادی کی اور گزشتہ سال اپنے پہلے بیٹے ’وایو‘ کا استقبال کیا تھا۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/entertainment/2023/08/278990/amp/ کو لائک کریں

ٹوئٹر پر ہمیں فالو کریں https://www.bolnews.com/urdu/entertainment/2023/08/278990/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں