سشمیتا سین نے انکشاف کیا کہ فرح خان نے فلم میں ہوں نا کے بعد ان سے معافی مانگی تھی کیونکہ ان کا رول فلم میں بہت کم تھا۔

ایک حالیہ انٹرویو میں سابق مس یونیورس اور نامور اداکارہ سشمیتا سین نے شاہ رخ خان کی سپرہٹ فلم میں ہوں نا  میں اپنے کردار اور اس کی مقبولیت کے بارے میں گفتگو کی۔ انہوں نے یہ بھی بتایاکہ ہدایت کارہ فرح خان نے فلم کا فائنل ایڈٹ دیکھنے کے بعد ان سے معذرت کی تھی۔

سشمیتا سین نے  بتایا کہ کس طرح شاہ رخ خان کی فلم میں ہوں نا (2004) میں ان کا کردار چاندنی چوپڑا ‘چھوٹا لیکن کافی طاقتور’ ثابت ہوا۔

انہوں نے بتایاکہ فلم کی ریلیز کے بعد آنجہانی فلمساز یش چوپڑا نے بھی انہیں کال کر کے ان کے کردار پر ردعمل دیا اور تعریف کی، انہوں نے ماضی کو یاد کرتے ہوئے کہاکہ میں ہوں نا کی  ریلیز کے ایک دن بعد ممبئی بھر میں فلم کے تمام پوسٹرز کو ہٹا دیا گیا تھا، اور ان کی جگہ نئے پوسٹر لگائے گئے تھے جن میں سشمیتا  شاہ رخ خان کے ساتھ تھیں۔

سشمیتا نے کہا  “فرح خان نے فون کیا اور کہا، ‘سش، میں نے فائنل ایڈٹ دیکھ لیا ہے اور مجھے آپ سے معافی مانگنی ہے، کیونکہ اس میں شاہ رخ ، زید اور امریتا کا کردارہے  لیکن آپ بمشکل وہاں ہیں ( رول بہت کم ہے)۔

اداکارہ نے مزید بتایاکہ میں نے کہا، ‘ٹھیک ہے فرح، ہم نے ایک معاہدہ کیا تھا، آپ نے وعدہ کیا اور میں نے اسے پورا کیا، یہ ہو گیا، اب اس کی فکر نہ کریں’. لیکن اندر ہی اندر میں سوچ رہی تھی، ارے نہیں، میں بمشکل وہاں ہوں!’ اس کے بعد فلم سٹی میں (میں ہوں نا) کی اسکریننگ ہوئی، اسی دوران میرا فون بجنے لگا اور مجھے نہیں معلوم کہ یش جی (یش چوپڑا) مجھے کیوں فون کر رہے ہیں، انڈسٹری کی ایک بڑی تعداد مجھے کال کر رہی ہے۔ تو اب میں  ڈر ڈر کےاپنا فون اٹھا رہی تھی۔

سشمیتا نے یاد کرتے ہوئے کہا کہ ‘سب نے تعریف کی اور کہاکہ آپ نے حیرت انگیز کام کیا ہے، آپ سےہماری نظریں نہیں ہٹ رہی ‘  اداکارہ نے کہا کہ وہ اسکریننگ کے لیے اس لیے نہیں گئیں کیونکہ انھیں لگتا تھا کہ انھیں ‘فلم دیکھ کر برا لگے گا’ جیسا کہ فرح نے انھیں بتایا تھا کہ وہ ‘بمشکل وہاں’ ہیں ( رول بہت کم ہے)۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/entertainment/2023/08/284186/amp/ کو لائک کریں

ٹوئٹر پر ہمیں فالو کریں https://www.bolnews.com/urdu/entertainment/2023/08/284186/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں