پاکستان کے معروف اداکار عفان وحید نے ہالی ووڈ سے موصول ہونیوالی پیشکش کو ٹھکرانے کی اہم وجہ بتادی ہے۔

  حال ہی میں پاکستان کے معروف اداکار عفان وحید نے ایک انٹرویو میں انکشاف کیا کہ انہیں2 ماہ قبل ہالی ووڈ سے پیشکش موصول  ہوئی تھی۔

انہوں نے کہا کہ یہ پیشکش انہیں ہالی ووڈ اسٹار نکول کڈمین کے ساتھ کام کرنے کیلئے کی گئی تھی لیکن انہوں نے اس پیشکش سے متعلق کسی کو اس لیے نہیں بتایا کیونکہ وہ جانتے تھے کہ وہ یہ کردار نہیں نبھا پائیں گے۔

عفان وحید نے پیشکش کو مسترد کیے جانے سے متعلق کہا کہ ایسا انہوں نے اس لیے کیا کیوں کہ وہ اس وقت اپنی فلم کی شوٹنگ پر جارہے تھے۔

اداکار نے کہا کہ ہالی ووڈ کو مذکورہ کردار کے لیے فٹ بال یا باسکٹ بال پلیئر چاہیے تھا جو بہت اچھا کھیل سکے اور وہ دونوں کھیلوں میں سے کسی ایک کھیل کے لیے بھی اچھے کھلاڑی نہیں ہیں۔

انہوں نے کہا کہ اس دوران ان کے پاس وقت بھی نہیں تھا کہ وہ ان کھیلوں کی تربیت لے سکیں لہٰذا بہتر کردار ادا نہ کرنے کی وجہ سے فلم کرنے کی ضرورت محسوس نہیں کی۔

عفان وحید نے کہا کہ انہیں تین چار سال پہلے بالی ووڈ سے بھی پیشکش آئی تھی لیکن کاسٹنگ ڈائریکٹر کی جانب سے پیغام چونکہ فیس بک پر موصول ہوا تھا لہٰذا وہ چیک نہیں کر پائے اور یہ پیغام 2 سال بعد پڑھا تو سوائے معذرت کے کچھ نہ کرسکے۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/entertainment/2023/08/336175/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/entertainment/2023/08/336175/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں