بالی ووڈ کی پوجا آیوشمان کھرانہ کا کہنا ہےکہ ان کی کال جب بھی گرل فرینڈ  کے والد اٹھاتے تھے تو وہ عورت کی آواز کی نقل کرتے تھے۔

آیوشمان کھرانہ کرداروں کے مطابق آواز کوتبدیل  کرنے کی صلاحیت رکھتے ہیں، یہی وجہ ہے کہ وہ اپنی آنے والی فلم ڈریم گرل 2 میں پوجا کا روپ دھارتے نظر آئیں گے۔

اداکار آیوشمان کھرانہ نے 2019 میں، فلم ڈریم گرل کے لیے لڑکی  کی آواز میں ڈبنگ کرکے سب کو دنگ کردیا تھا ، فلم میں آیوشمان کو ایک ہاٹ لائن کالر کا کردار ادا کرتے ہوئے دیکھا گیا، جو مردوں کو راغب کرنے کے لیے اپنی آواز کو عورت کی آواز میں تبدیل کرتا ہے۔ اور اب، وہ دوسرے حصے کے ساتھ فلم کی فرنچائز کو آگے بڑھانے کے لیے تیار ہیں۔

ایک حالیہ انٹرویو میں، آیوشمان نے ڈریم گرل  ٹو کے اپنے مقبول کردار پوجا  کے بارے میں بات کی۔

انہوں نے بتایاکہ “میرے ریڈیو جاکی اور تھیٹر کے کام نے واقعی میری ڈریم گرل میں پوجا کے کردار کی ادائیگی میں بہت مدد کی ہے۔

ماضی کو یاد کرتے ہوئے انہوں نے بتایا کہ  جب میں ریڈیو سٹیشن پر کام کرتا تھا ،  تو اس وقت میں  اپنی پہلی گرل فرینڈ کو کال کرتا تھا تو اگر اس کے  والد  لینڈ لائن اٹھا لیتے تھے تو میں گرل فرینڈ کی خاتون دوست بن کر لڑکی کی آواز نکال کر بات کرتا تھا۔

آیوشمان کی ڈریم گرل 2 کو راج شانڈیلیا نے ڈائریکٹ کیا ہے۔ پہلا حصہ 2019 میں آیا تھا اور اب اس کا سیکوئل 25 اگست کو سینما گھروں کی زینت بنے گا۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/entertainment/2023/08/363530/amp/ کو لائک کریں

ٹوئٹر پر ہمیں فالو کریں https://www.bolnews.com/urdu/entertainment/2023/08/363530/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں