پاکستان کی سینیئر اداکارہ جویریہ سعود نے شوبز انڈسٹری سے متعلق شرمناک انکشاف کردیا ہے۔

حال ہی میں اپنے دیے گئے ایک انٹرویو میں اداکارہ جویریہ سعود نے بتایا کہ انہیں شوبز میں آنے کے لیے مشکلات کا سامنا نہیں کرنا پڑا، وہ بچپن سے ہی پاکستان ٹیلی وژن (پی ٹی وی) پر کام کرتی آ رہی تھیں اور پہلا ڈراما ’انہونی‘ کامیاب ہونے کے بعد انہیں مسلسل کام ملنا شروع ہوگیا۔

انہوں نے کہا کہ شوبز سمیت ہر شعبے میں غلط افراد موجود ہوتے ہیں اور ہر شعبے میں اچھائی کے ساتھ برائی بھی رہتی ہے، اسی طرح شوبز میں بھی برے لوگ موجود تھے۔

ان کا کہنا تھا کہ شوبز میں آنے کے بعد وہ ہر کسی کو جھوٹ بولتی تھیں کہ ان کی منگنی ہوچکی ہے، جس وجہ سے لوگ ان سے زیادہ فری نہیں ہوتے تھے اور انہیں پارٹیوں یا دعوتوں پر چلنے کا نہیں کہتے تھے۔

اداکارہ جویریہ سعود کے مطابق دوسری انڈسٹریز کی طرح شوبز میں بھی ایسا ہوتا رہا ہے کہ ہر کسی کو ان کی شخصیت کی وجہ سے کام دیا جاتا رہا ہے۔ ماضی میں بھی ایسے لوگوں کو زیادہ کام ملتا تھا جو کام کے بدلے دوسروں کو کوئی نہ کوئی فائدہ دے رہے ہوتے تھے۔

انہوں نے کہا کہ ان کی طبیعت ایسی نہیں تھی، وہ کسی کو کوئی فائدہ نہیں دیتی تھیں، جس وجہ سے انہیں ماضی میں متعدد معروف کردار نہیں دیے گئے، لیکن انہیں اس بات کا کوئی افسوس نہیں۔

ان کا کہنا تھا کہ کام کے بدلے میں ان سے ایسے فائدے کی امید رکھی گئی کہ وہ ان کے ساتھ رات دیر گئے پارٹیوں میں موجود رہیں گی۔

اداکارہ جویریہ سعود کے مطابق اب انڈسٹری بہتر ہو چکی ہے، اب زیادہ سہولتیں اور آسائشیں دستیاب ہیں۔ اب خواتین کے پاس بھی زیادہ آپشنز موجود ہیں اگر کوئی ان کے ساتھ کوئی غلط بات کرتا ہے تو وہ سوشل میڈیا پر پوسٹ کردیتی ہیں اور لوگ ان کا ساتھ بھی دیتے ہیں۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/entertainment/2023/08/367240/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/entertainment/2023/08/367240/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں