رنویر سنگھ، جو کہ راکی ​​اور رانی کی پریم کہانی کی کامیابی میں مصروف ہیں، ڈان 3 میں ڈان کا کردار ادا کرنے کے لیے بالکل تیار ہیں۔

، بھارتی میڈیا کی رپورٹس کے مطابق رنویر سنگھ لیجنڈری اداکار امیتابھ بچن اور شاہ رخ خان کے بعد یہ کردار ادا کرنے والے تیسری نسل کے اسٹار بن جائیں گے۔

شاہ رخ خان چونکہ  بڑی کمرشل اسپیس فلموں میں مصروف ہیں، اس لیے انہوں نے ڈان  پروجیکٹ چھوڑ دیا۔ اب فرحان اختر اسے رنویر سنگھ کے ساتھ دوبارہ شروع کر رہے ہیں۔ اور ایسا لگتا ہے کہ ڈان 3 کا آفیشل اعلان ویڈیو کے ذریعے اس ہفتے کے آخر میں کیا جاے گا۔

 میڈیا رپورٹس کے مطابق “ڈان 3 کا ٹیزر اس ہفتے ڈیجیٹل دنیا میں سامنے آئے گا۔ ٹیم رنویر سنگھ کو اس نوجوان نسل کے سامنے نئے ڈان کے طور پر متعارف کرانے کے لیے بہت پرجوش ہے۔ تعارف ایک مناسب ٹیزر کے ذریعے ہوگا، جو اگلے 2 سے 3 دنوں میں ڈیجیٹل طور پر سامنے آئے گا۔

ذرائع نے یہ بھی کہا کہ ڈان  کے فلمساز گدر 2 کے پرنٹ کے ساتھ ڈان 3 کے ٹیزر کو شامل کرنے کے خواہاں ہیں، جو اس ہفتے 11 اگست کو ریلیز ہونے والی ہے۔

ڈان 3 مبینہ طور پر سنجے لیلا بھنسالی کے ساتھ رنویر سنگھ کے پروجیکٹ بیجو باورا کے بعد شروع ہوگا۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/entertainment/2023/08/562525/amp/ کو لائک کریں

ٹوئٹر پر ہمیں فالو کریں https://www.bolnews.com/urdu/entertainment/2023/08/562525/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں