پاکستان شوبز انڈسٹری کے معروف اداکار و میزبان فہد مصطفیٰ نے کہا ہے کہ جب وہ پہلی بار عمرہ ادا کرنے گئے تو ایک خاتون نے پوچھا کہ اپنے پیسوں سے آئے ہو یا کسی نے دیے ہیں۔

حال ہی میں اپنے دیے گئے ایک انٹرویو میں فہد مصطفیٰ نے اپنے کریئر کے علاوہ دیگر موضوعات سے متعلق بات کی۔

انہوں نے بتایا کہ ان کے والد صلاح الدین تونیو اداکار ہونے کے ساتھ ساتھ محکمہ انسداد منشیات کے ڈپٹی ڈائریکٹر اور چیف ڈرگ انسپکٹر تھے، انہوں نے اپنے والد کے کہنے پر فارمیسی کی ڈگری حاصل کی۔

فہد مصطفیٰ نے ایک واقعہ یاد کرتے ہوئے بتایا کہ جب میں زندگی میں پہلی بار عمرہ ادا کرنے گیا تھا تو وہیل چیئر پر بیٹھی تقریباً 70 یا 80 سالہ بزرگ خاتون نے مجھے پہچانا اور اپنے پاس بلایا، میں سمجھا کہ شاید دعا یا پیار دینے کے لیے بلا رہی ہیں لیکن جب میں ان کے پاس گیا تو خاتون نے کہا کہ بیٹا اپنے پیسے سے آئے ہو یا کسی نے دیے ہیں۔

ان کا کہنا تھا کہ پاکستانی اداکار جب بولی وڈ میں اداکاری کرنے جارہے تھے تو وہ پاکستان میں اپنا نام بنانے میں مصروف تھے اور آج ایک بار پھر وہ یہی کررہے ہیں۔

انڈسٹری سے متعلق گفتگو کرتے ہوئے فہد مصطفیٰ نے کہا کہ آج بہت سے اداکار نیٹ فلکس میں کام کرنے کے پیچھے لگے ہوئے ہیں اور پھر اپنے 4، 5 سال برباد کردیں گے، اس دوران میں نے ویب سیریز پروڈیوس کی ہے۔

ان کا کہنا تھا کہ اگر پاکستان کے اداکار، رائٹرز اور ڈائریکٹرز ہماری انڈسٹری کو سنجیدہ لیں تو میرے خیال میں پاکستان کے اندر صلاحیت ہے کہ ہم خود اپنا پورٹل بنا سکیں، مسئلہ یہ ہے کہ ہم اپنی انڈسٹری کو سنجیدہ نہیں لیتے، جب ہر طرف افراتفری ہو تو مواقع زیادہ ہوتے ہیں اور اس وقت ملک میں بہت زیادہ افراتفری مچی ہوئی ہے۔

فہد مصطفیٰ کے مطابق ان کا شوبز انڈسٹری کے اندر اور باہر کوئی دوست نہیں ہے، میں سچے دوستوں پر یقین رکھتا ہوں لیکن میرے بچپن کے دوست اب دوست نہیں رہے کیونکہ اس وقت میں بہت مصروف رہتا تھا۔

انہوں نے مزید کہا کہ اب انڈسٹری میں مجھ سے کوئی دوستی نہیں کرتا، سب کے اپنے مقاصد ہیں، مجھے جلدی معلوم ہو جاتا ہے جب کوئی اپنے مقصد کے لیے مجھ سے دوستی کرتا ہے۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/entertainment/2023/08/625211/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/entertainment/2023/08/625211/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں