پاکستان کے اُبھرتے ہوئے نوجوان اداکار عاشر وجاہت نے کہا ہے کہ انہیں شوبز انڈسٹری میں جن چیلنجز کا سامنا کیا وہ مختلف نوعیت کے تھے۔

حال میں اپنے دیے گئے ایک انٹرویو میں اداکار عاشر وجاہت کا کہنا تھا کہ ’جان‘ ان کے کریئر کا اہم اور انتہائی دلچسپ پروجیکٹ تھا اور فلم کی شوٹنگ کا تجربہ انتہائی شاندار رہا۔

انہوں نے اداکارہ رومیسہ خان کے ساتھ کام کرنے کے تجربے پر تبصرہ کرتے ہوئے کہا کہ رومیسا میری بہت اچھی دوست اور اداکارہ ہے، جب ایک اچھا اداکار آپ کے سامنے کھڑا ہو تو آپ مزید بہتر پرفارم کرنے کی کوشش کرتے ہیں۔

ان کا کہنا تھا کہ شوبز انڈسٹری میں اپنے تجربے کی جہاں تک بات ہے تو میں اس حوالے سے بہت خوش قسمت رہا ہوں کیونکہ میرے والدین نے میری رہنمائی کی اور بہت سے لوگوں نے مجھے سپورٹ کیا، اس لیے مجھے کسی چیلنج کا سامنا نہیں کرنا پڑا اور میں اس کا بہت شکر گزار ہوں۔

خیال رہے کہ عاشر وجاہت نامور ہدایت کار وجاہت رؤف اور پروڈیوسر شازیہ وجاہت کے بیٹے ہیں۔

انہوں نے کہا کہ میرے خیال سے میں نے جن مشکلات کا سامنا کیا وہ یہ ہیں کہ جب آپ بہت کم عمری میں اداکاری کرنا شروع کر دیتے ہیں، اس کے درمیان ایک وقت ایسا آتا ہے جب کام ملنا بہت مشکل ہو جاتا ہے، انڈسٹری میں بہت زیادہ مقابلہ ہے، یہ کوئی چیلنج نہیں تھا، لیکن میں کچھ مختلف کرنا چاہتا تھا، جو میرے کام کو نمایاں کرے کیونکہ ہماری انڈسٹری میں ہت سارے اچھے اداکار موجود ہیں، لہذا نمایاں اور منفرد کام کرنا ضروری ہے۔

عاشر وجاہت نے مزید کہا کہ انہوں نے جن چیلنجز کا سامنا کیا وہ مختلف نوعیت کے تھے، اداکاری کے سفر میں ہمیشہ سیکھنا ہوتا ہے، ایک لمحہ جب مجھے لگتا ہے کہ میں سب کچھ جانتا ہوں اس وقت میں سب سے بڑا ناکام ہوں، میں ہر پروجیکٹ میں بہتری لانے کی کوشش کرتا ہوں اور امید کرتا ہوں کہ عوام میری صلاحیتوں کو پسند کریں گے۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/entertainment/2023/08/702917/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/entertainment/2023/08/702917/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں