پاکستان شوبز انڈسٹری کی مشہور و معروف اداکارہ ماورا حسین نے کہا ہے کہ لندن سے وکالت کی ڈگری 5 کروڑ میں نہیں خریدی جاسکتی۔

حال ہی میں اپنے دیے گئے ایک انٹرویو میں اداکارہ ماورا حسین نے اپنی آواز سے متعلق افواہوں کا تذکرہ کیا۔

انہوں نے کہا کہ انہیں لوگوں کی طرف سے باتیں سننے کو ملیں کہ انہوں نے اپنی آواز کی سرجری کروائی ہے۔

ان کا کہنا تھا کہ میرے خیال میں تقریباً 10 سال قبل میری آواز مختلف تھی، میں مانتی ہوں لیکن عمر بڑھنے کے ساتھ لوگوں کو لگتا ہے میری آواز بدل گئی ہے۔

ماورا حسین نے کہا کہ میں نے مداحوں سے اپنی آواز بدلنے کے بارے میں پوچھا تو انہوں نے بھی اتفاق کیا، لیکن لوگ میری سرجری کے بارے میں کیوں بات کر رہے ہیں؟ آواز کی سرجری کیسے ممکن ہے؟

دورانِ انٹرویو اپنی وکالت کی ڈگری سے متعلق بات کرتے ہوئے انہوں نے کہا کہ جب میں نے اپنی وکالت کی ڈگری کی مکمل کی تو ایک معتبر اخبار نے میرے بارے میں آرٹیکل لکھا کہ میں نے اپنی وکالت کی ڈگری لندن سے 5 کروڑ روپے میں خریدی ہے۔

ان کا کہنا تھا کہ پہلی بات یہ ہے کہ اگر میرے پاس 5 کروڑ روپے ہوں گے تو میں ڈگری نہیں خریدوں گی کچھ اور کروں گی۔ یہ نیوز آرٹیکل دیکھ کر انہیں بہت ہنسی آئی اور انہوں نے اپنے والدین اور بہن کو بھی دکھایا۔

ماورا حسین نے مزید کہا کہ لندن سے وکالت کی ڈگری 5 کروڑ میں نہیں خریدی جاسکتی، مجھے نہیں معلوم کہ لوگوں نے ایسا کیسے سوچ لیا۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/entertainment/2023/08/710520/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/entertainment/2023/08/710520/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں