پاکستان کی معروف اداکارہ سنیتا مارشل کا کہنا ہے کہ مشہور ہونا بڑی بات نہیں، عزت کمانا زیادہ اہم ہے۔

 حال ہی میں پاکستان کی معروف اداکارہ سنیتا مارشل نے ایک نجی ٹی وی چینل کے شو میں شرکت کی جہاں انہوں نے اپنی زندگی کے مختلف پہلوؤں سے متعلق گفتگو کی۔

انہوں نے اپنے کیریئر سے متعلق گفتگو کرتے ہوئے کہا کہ میری چچی اینجی مارشل نے شوبزمیں بہت سی ماڈلز متعارف کروائیں۔ وہ اکثر مجھے کہتی تھیں کہ تم سانولی، پتلی اور لمبی ہواس لئے تمہیں ماڈلنگ کیریئر کے بارے میں سنجیدگی سے سوچناچاہیے۔

 سنیتا مارشل نے کہا کہ دراصل ماڈلنگ میں سانولی لڑکیاں بہت پسند کی جاتی ہیں۔ میں ان سے کہتی تھی کہ میں ماڈلنگ کر ہی نہیں سکتی کیونکہ میں کم گو اور اپنے کام سے کام رکھنے والی ہوں جبکہ ماڈلنگ ایسے لوگوں کا کھیل ہی نہیں۔

اداکارہ نے کہا کہ خیر ہوتا وہی ہے جو قسمت میں لکھا ہو۔ انہی دنوں میری بہن کو چچی نے کسی شوٹ کے لئے بلایا تووہ کسی وجہ سے نہ جاسکیں، چچی کہنے لگیں کہ تم کر لو۔پہلے تو میں ذرا ہچکچائی پھر میں نے سوچا کوشش کرنے میں تو کوئی حرج نہیں۔

انہوں نے کہا کہ اس وقت میں تقریباً 17برس کی تھی اور باقاعدہ فیشن ماڈل بن گئی۔ شوبز میں اگرچہ پیسے کے ساتھ ساتھ شہرت بھی خوب ملتی ہے لیکن یہ بھی حقیقت ہے کہ مشہور ہونا بڑی بات نہیں بلکہ عزت کمانا زیادہ اہم ہے۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.bolnews.com/urdu/entertainment/2023/08/880091/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/entertainment/2023/08/880091/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں