بھارتی اداکارہ کریتی سینن نے بہت کم وقت میں بالی ووڈ میں اپنا نام بنایا ہے۔ انہوں نے ٹائیگر شروف کے ساتھ ہیروپنتی کے ساتھ شروعات کی اور اس کے بعد سے کئی کامیاب فلموں میں کام کیا ہے۔

اداکارہ کی چھوٹی بہن نوپور سینن بھی شوبز میں سرگرم اور میوزک ویڈیوز میں نظر آتی ہیں اور حال ہی میں کریتی نے اس کی پہلی فلم کو پروموٹ کرنا کا ذمہ اٹھالیا ہے۔

اداکارہ کریتی نے اپنے انسٹاگرام پر اپنی بہن کی فلم ’ٹائیگر ناگیشورا راؤ ‘ کا پہلا پوسٹر شیئر کیا ہے جو کہ پین انڈیا تیلگو فلم ہے۔

تصویر میں خوبصورت نظر آنے والی نوپور کو ٹرین کی کھڑکی سے باہر دیکھتے ہوئے دیکھا جا سکتا ہے جس کے کیپشن میں اداکارہ نے لکھا، “اپنی بہن کی پہلی پین انڈیا فلم کا پوسٹر لانچ کرنے سے بڑھ کر مجھے کچھ بھی فخر محسوس نہیں ہوتا!”

ٹائیگر ناگیشور راؤ کی تحریر اور ہدایت کاری ومسے نے کی ہے۔ اس میں روی تیجا اور نوپور سینن مرکزی کردار میں ہیں۔ انوپم کھیر اور گایتری بھردواج معاون کرداروں میں نظر آتے ہیں جو کہ 20 اکتوبر کو سینما گھروں کی زینت بنے گی۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/entertainment/2023/08/933080/amp/ کو لائک کریں

ٹوئٹر پر ہمیں فالو کریں https://www.bolnews.com/urdu/entertainment/2023/08/933080/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں