بھارت کے معروف گلوکار ارمان ملک نے اپنی  محبوبہ سے منگنی کرلی ہے جس کی تصاویر سوشل میڈیا پر کافی وائرل نظر آرہی ہیں۔

حال ہی میں ایک خوابدیدہ تقریب میں گلوکار ارمان نے اپنی محبوبہ اور فیشن ڈیزائنر آشنا شروف سے منگنی کرلی ہے۔

آشنا شروف کے ساتھ اپنی منگنی کے دلکش لمحات کو شیئر کرتے ہوئے، ارمان ملک نے اپنے انسٹاگرام اکاؤنٹ پر ایونٹ کی تینوں تصاویر پوسٹ کی ہیں۔

ان تصاویر میں گلوکار کو اپنی محبوبہ کے ساتھ مختلف انداز میں پوز کرتے ہوئے، پرپوز کرتے ہوئے اور انگوٹھی پہناتے ہوئے دیکھا جاسکتا ہے۔

انہوں نے پوسٹ کا کیپشن دیتے ہوئے لکھا، “اور ہمارا ہمیشہ کے لیے سفر کا ابھی ابھی آغاز ہوا ہے۔”

آشنا شروف ایک ہندوستانی فیشن اور بیوٹی بلاگر اور یوٹیوبر ہیں۔ انہیں کاسموپولیٹن لگژری فیشن انفلوئنسر آف دی ایئر 2023 (انڈیا) قرار دیا گیا ہے۔

ارمان ملک، ایک ہندوستانی گلوکار، نغمہ نگار، ریکارڈ پروڈیوسر، وائس اوور آرٹسٹ، اداکار ہیں جنہوں نے مختلف زبانوں میں اپنی سریلی خدمات کے لیے پہچان حاصل کی ہے۔ ان کی گلوکاری کی صلاحیت ہندی، تیلگو، انگریزی، بنگالی، کنڑ، مراٹھی، تامل، گجراتی، پنجابی، اردو اور ملیالم جیسی زبانوں تک پھیلی ہوئی ہے۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/entertainment/2023/08/965927/amp/ کو لائک کریں

ٹوئٹر پر ہمیں فالو کریں https://www.bolnews.com/urdu/entertainment/2023/08/965927/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں