پاکستان شوبز انڈسٹری کے مشہور و معروف اداکار احسن خان نے کہا ہے کہ پاکستان کے حالات اتنے بھی خراب نہیں جتنا بتائے اور سمجھائے جا رہے ہیں۔

حال ہی میں اپنے دیے گئے ایک انٹرویو میں اداکار احسن خان کا کہنا تھا کہ جو لوگ سوشل میڈیا پر اپنے بچوں کی کلاس میں پوزیشن حاصل کرنے کی تصاویر اور پوسٹس لگاتے ہیں وہ دراصل دوسرے لوگوں اور بچوں کو احساس کمتری کا شکار بناتے ہیں۔

انہوں نے کہا کہ ایسے عمل سے دوسرے بچے صدمے میں جا سکتے ہیں اور ان کے ذہن میں یہ سوال آ سکتا ہے کہ ان کی جانب سے پوزیشن حاصل نہ کرپانے میں ان کا اور ان کے والدین کا قصور ہوسکتا ہے۔

ان کا کہنا تھا کہ پڑوسیوں کے چاند پر جانے پر ہمیں پریشان نہیں ہونا چاہئیے، ہمیں اس بات کی فکر ہونی چاہئیے جب ہمارے ہاں کوئی غلط کام ہو تو اس پر ہمیں شرمندگی ہونی چاہئیے۔

احسن خان کے مطابق پاکستان میں اگر بچوں کے ساتھ ناروا سلوک ہوتا ہے اور اقلیتوں کے ساتھ غلط ہو رہا ہو تب شرمندگی کی بات ہوگی۔

انہوں نے کہا کہ میرے خیال میں پاکستان کے حالات اتنے بھی خراب نہیں جتنا بتائے اور سمجھائے جا رہے ہیں، جو لوگ پاکستان کو چھوڑ کر بیرون ملک منتقل ہو رہے ہیں، دراصل وہ لوگ وہ ہیں جن کے پاس کچھ پیسا ہے جو بیرون ملک بھی جگہ خریدنے کے اہل ہیں۔

ان کا کہنا تھا کہ پاکستان سے بیرون ملک منتقل ہونے والے افراد کی صرف تھوڑی سی کمائی کم ہوئی ہے تو وہ بیرون ملک جا رہے ہیں، حالانکہ ایسے حالات نہیں کہ ملک چھوڑنا پڑے۔

احسن خان کے مطابق دنیا کی ہر قوم اور ملک پر مشکل حالات آتے ہیں اور ایسے حالات کا ڈٹ کر مقابلہ کرنا چاہئیے، اگر اچھے خاصے لوگ پاکستان چھوڑ کر جائیں گے تو یہاں کا نظام کون سنبھالے گا؟

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/entertainment/2023/09/172896/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/entertainment/2023/09/172896/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں