فلمساز روہت شیٹی اور اجے دیوگن کی فلم سنگھم اگین تاخیر کا شکار ہو گئی ہے، جس کی اہم وجہ پشپا 2 کے ساتھ تصادم سے بچنا ہے۔

پشپا 2 کے بنانے والوں نے حال ہی میں اعلان کیا ہے کہ اللو ارجن کی یہ فلم 15 اگست 2024 کو سینما گھروں میں ریلیز ہوگی۔ یہ فلم روہت شیٹی کی ہدایت کاری میں بننے والی سنگھم اگین کے ساتھ ریلیز کی جائےگی،  جس میں اجے دیوگن مرکزی کردار ادا کررہے ہیں۔

تاہم، اب یہ اطلاع ملی ہے کہ روہت اور اجے دیوگن دونوں اپنی فلم کی ریلیز میں تاخیر کا منصوبہ بنا رہے ہیں تاکہ پشپا 2 کے ساتھ تصادم سے بچ سکیں۔

پشپا اور سنگھم دونوں ہی ہندی سینیما میں ممکنہ بلاک بسٹر فلمیں ہیں اور ان کا ایک ہی تاریخ پر ریلیز ہونا کوئی معنی نہیں رکھتا۔

اجے اور روہت نے اجتماعی طور پر سنگھم اگین کی ریلیز کو آگے بڑھانے کا فیصلہ کیا ہے کیونکہ ان کا خیال ہے کہ سنگھم اتنا بڑا برانڈ ہے کہ عام تعطیل کے بغیر کسی بھی دن ریلیز کی جائے تو ریکارڈ اسکور کر سکتا ہے، ساتھ ہی وہ  پشپا اور اس کے کاروبار کو بھی نقصان پہنچانا نہیں چاہتے۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.bolnews.com/urdu/entertainment/2023/09/194643/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/entertainment/2023/09/194643/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں