عالمی شہرت کے حامل آنجہانی گلوکار اور کنگ آف پاپ مائیکل جیکسن کا مون واک ہیٹ 2 کروڑ 35 لاکھ  پاکستانی روپے میں نیلام ہوگیا۔

پیرس کے مشہور ہوٹل ڈروٹ کی جانب سے منعقد ہونے والی خصوصی تقریب میں اس مون واک ہیٹ کو نیلامی کے لئے پیش کیا گیا جسے ایک مداح نے کروڑوں روپے میں خرید کر اپنے نام کر لیا۔

مائیکل جیکسن نے  1983 میں موٹاؤن میں ایک ٹیلی ویژن کنسرٹ کے دوران اپنے ہٹ گانے “بلی جین” کو پیش کرتے ہوئے اس ہیٹ کو ایک طرف پھینک دیا تھا اور اب چار دہائیوں بعد وہی ہیٹ ایک نیلامی میں  2 کروڑ 35 لاکھ پاکستانی روپے میں نیلام ہوگیا۔

واضح رہےکہ مائیکل جیکسن 25 جون 2009 کو 50 سال کی عمر میں انتقال کرگئے تھے۔