ورون دھون، بالی ووڈ انڈسٹری کے معروف اداکاروں میں شمار کئے جاتے ہیں جبکہ وہ ایک اچھے ڈانسر بھی ہیں۔

حال ہی میں جاری رپورٹس میں بتایا گیا ہے کہ نتیش تیواری کی ہدایت کاری میں بننے والی فلم باوال کی کامیابی کے بعد اداکار اپنے اگلے پراجیکٹ پر کام کر رہے ہیں۔

رپورٹس کے مطابق  یہ ایک ایکشن سے بھرپور فلم VD18 جو کہ ایٹلی نے پروڈیوس کی ہے جس کی شوٹنگ کا آغاز ہوچکا ہے۔

رپورٹس میں بتایا گیا ہے کہ ورون فلم کے سیٹ پر زخمی ہوگئے، اور انہوں نے یہ خبر اپنے مداحوں کے ساتھ سوشل میڈیا پر شیئر کی ہے۔

ورون نے انسٹاگرام اسٹوریز پر ایک ویڈیو شیئر کی ہے جس میں وہ اپنی چوٹ کے بارے میں بات کرتے نظر آرہے ہیں۔ انہوں نے کہا، ’’مجھے لگتا ہے کہ شوٹنگ کے دوران میری ٹانگ میں چوٹ آئی، اور مجھے نہیں معلوم کہ میں نے اپنی ٹانگ کو کس طرح چوٹ لگائی، لیکن میں اس وقت یہی کر رہا ہوں۔‘‘

ویڈیو میں ورون درد سے کچھ آرام حاصل کرنے کے لیے برف کے پانی میں پاؤں ڈبوتے ہوئے نظر آ رہے ہیں۔

اس کے علاوہ ورون نے اپنی صحت کے بارے میں ایک اپ ڈیٹ شیئر کیا ہے اور کہا ہے کہ وہ اب صحت یاب ہو رہے ہیں۔

خیال رہے کہ اداکار نے چند ماہ قبل ایٹلی کی حمایت یافتہ فلم کی شوٹنگ شروع کی اور حال ہی میں اعلان کیا کہ یہ فلم اگلے سال 31 مئی کو ریلیز ہوگی۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/entertainment/2023/09/213599/amp/ کو لائک کریں

ٹوئٹر پر ہمیں فالو کریں https://www.bolnews.com/urdu/entertainment/2023/09/213599/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں