بالی وڈ اداکار وکی کوشل اور اداکارہ کترینہ کیف نے دسمبر 2021 میں شادی کی تھی، اس جوڑے کی مقبولیت کا اندازہ اس بات سے لگایا جا سکتا ہے کہ ان کے مداح انہیں بڑی اسکرین پر ساتھ دیکھنے کے خواہش مند ہیں۔

اپنے حالیہ انٹرویو میں وکی کوشل نے انکشاف کیا کہ انہیں اور ان کی اہلیہ اداکارہ کترینہ کیف کو ایک ساتھ کام کرنے کی آفرز ملی تھیں لیکن ہم دونوں نے ساتھ کام کرنے سے انکار کردیا۔

اس انکار کی وجہ بتاتے ہوئے اداکار وکی کوشل نے کہاکہ ہم دونوں یہ چاہتے ہیں کہ ہمیں فلم میں مداحوں کی خواہش کی وجہ سے نہیں بلکہ ساتھ اس لیے کاسٹ کیا جائے کہ ہم اسکرپٹ کی وجہ سے ان کرداروں کے لئے موزوں ہوں۔

 انہوں نے بتایاکہ میں اور کترینہ کیف گھر پراسکرپٹس اور شوٹنگ کے حوالے سے بہت کم  بات کرتے ہیں، گھر کو دفترنہیں بناتے۔

وکی کوشل نے مزید کہاکہ میرے والدین اور اہلیہ کترینہ کیف میرے سب سے بڑے نقاد ہیں، وہ میرے کام پر سب سے پہلے تنقید کرتے ہیں اور مجھے میرا کام بہتر کرنے کے حوالے سے مفید مشورے بھی دیتے ہیں۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.bolnews.com/urdu/entertainment/2023/09/218312/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/entertainment/2023/09/218312/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں