کنگ آف بالی وڈ شاہ رخ خان نے سپر ہٹ فلم جوان میں مختلف عمروں کے دو کردار اداکیے ہیں ، جنھیں ان کی باکمال ادائیگی کے باعث دنیا بھر میں سراہا جا رہا ہے۔

تامل ہدایت کار ایٹلی کی ہدایت کاری میں بننے والی فلم جوان میں، کنگ خان نے نوجوان (بیٹے) آزاد راٹھور اور اسی کے ساتھ  اس کے والد ( بوڑھے) کیپٹن وکرم راٹھور جو کہ ایک سابق کمانڈو ہیں کا کرداد اداکیا ہے۔

شاہ رخ خان نے اپنے کیرئیر میں پہلی بار، بوڑھے اور گنجے شخس کا روپ دھار کر سب کو حیران کر دیا، جہاں ایک طرف ان کی فلم اور کردار کو بے پناہ محبت مل رہی ہے، وہی دوسری جانب  کنگ خان کے بوڑھے، سخت لہجے والے آدمی وکرم کا کردار سب سے زیادہ پسند کیا جا رہا ہے۔

ایک پرانے انٹرویو میں شاہ رخ خان نے سرمئی بالوں اور داڑھی والے بوڑھے آدمی کا کردار ادا کرنے میں دلچسپی ظاہر کی تھی۔

شاہ رخ خان کا ایک پرانا انٹرویو آج کل سوشل میڈیا پر کافی وائرل ہو رہا ہے جس میں انہوں نے سفید داڑھی والے بوڑھے آدمی کا کردار ادا کرنے کی خواہش کا اظہارکیاتھا، جسے انہوں نے کئی سالوں بعد فلم جوان میں پورا کیا۔

شاہ رخ خان نے شو کے میزبان سے کہا کہ میں ایک ایسی فلم کر نا چاہتا ہوں جس میں ایک بوڑھا، خاموش آدمی ہوں، بھوری داڑھی اور سرمئی بالوں کے ساتھ بہت سخت مزاج والا، مجھے نہیں پتہ یہ کب ہو گا لیکن میں اس کردار کے بارے میں بہت پر امید ہوں۔

انہوں نے مزید کہا، اگر کسی ہدایت کار کے پاس ایسی کہانی ہے اور وہ کہتا ہے کہ یہ وہی ہے جو مجھے پسند ہے، تومیں ضرور کروں گا، میں چاہتا ہوں میں رات کو بیٹ مین ہوں، صبح سپرمین ہوں، دوپہر کو اسپائیڈر مین، میں ہر قسم کے کردار ادا کرنا چاہتا ہوں۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.bolnews.com/urdu/entertainment/2023/09/318359/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/entertainment/2023/09/318359/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں