معروف بھارتی اداکارہ و ڈانسر راکھی ساونت (فاطمہ) عمرے کی ادائیگی کے بعد بڑی مشکل میں پھنس گئیں۔

بھارتی میڈیا رپورٹس کے مطابق  راکھی ساونت کے خلاف عادل خان درانی نے 200 کروڑ کے ہرجانے کا ہتک عزت کا مقدمہ دائر کر دیا۔

عادل خان درانی کا میڈیا سے گفتگو کرتے ہوئے کہنا تھا کہ وہ اسی عدالت سے انصاف لے کر رہیں گے جہاں ان کے خلاف مقدمات چلائے گئے، انہیں بدنام کیا گیا اور انہیں جیل بھیجا گیا تھا۔

عادل خان درانی کے وکیل نے بتایا کہ انہوں نے راکھی ساونت پر 100 کروڑ ہرجانے کے جھوٹے مقدمے کے جواب میں 200 کروڑ کے ہرجانے کا ہتک عزت کا مقدمہ دائر کر دیا ہے۔

میڈیا سے گفتگو کرتے ہوئے عادل خان درانی کے وکیل نے مزید کہا کہ انہوں نے عدالت سے درخواست کی ہے کہ راکھی ساونت کے خلاف (CRPC) کی دفعہ 200 کے تحت مقدمہ چلایا جائے۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/entertainment/2023/09/355006/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/entertainment/2023/09/355006/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں