اپنے بےباک انداز اور بولڈ فیشن کرنے کے لئے جانی جانے والی عرفی جاوید نے کہا ہے کہ اُن کے لباس پر بدترین تنقید کی جاتی ہے لیکن اب وہ ان اس کی عادی ہوچُکی ہیں۔

حال ہی میں اپنے دیے گئے ایک انٹرویو میں اداکارہ و ماڈل عرفی جاوید کا کہنا تھا کہ وہ کم عمری میں لکھنؤ میں اپنے والدین کے گھر سے دو بہنوں کے ہمراہ بھاگ آئی تھیں۔

انہوں نے کہا کہ ان کے والد ان سمیت ان کی بہنوں پر تشدد کرتے تھے، یہاں تک کہ وہ انہیں انتہائی غلیظ گالیاں تک دیتے تھے، جس وجہ سے وہ سب گھر سے فرار ہوئیں۔

ان کا کہنا تھا کہ ممبئی آتے ہی انہوں نے ٹی وی چینلز پر آڈیشن دینا شروع کردیے اور کچھ ہی عرصے بعد انہیں چھوٹے موٹے کام ملنے لگے اور ان کا سلسلہ چل پڑا۔

عرفی جاوید نے کہا کہ ممبئی میں انہوں نے اپنی مرضی کی زندگی گزاری، وہ تنہا تھیں، وہ اپنی مرضی سے شراب نوشی کرنے سمیت دیگر کام کرتی رہیں لیکن پھر آہستہ آہستہ وہ مصروف ہوگئیں۔

انہوں نے کہا کہ میں نے شوبز میں جگہ بنانے کے لیے متعدد میک اپ سرجریاں کروائیں، اپنے دانت بنوانے سمیت اپنے ہونٹوں کو بھی موٹا کروایا اور چہرے کی بھی خوبصورتی بڑھوائی۔

ان کا کہنا تھا کہ ان کے دانت باہر نکلے ہوئے تھے اور ان کے ہونٹ انتہائی پتلے تھے، جس وجہ سے انہیں مشورے بھی دیے گئے اور پھر انہوں نے بھی خود محسوس کیا کہ انہیں میک اپ سرجریاں کروانی چاہئیں۔

عرفی جاوید نے کہا کہ انہیں ان کے لباس اور انداز پر بدترین تنقید کی جاتی ہے لیکن اب وہ اس بات کی عادی ہوچکی ہیں۔

انہوں نے کہا کہ انہیں منفرد ڈیزائن کا لباس تیار کرنے میں بعض اوقات ایک ماہ سے زیادہ کا وقت بھی لگ جاتا ہے۔

ان کا کہنا تھا کہ شوبز میں ان کے ساتھ متعدد بار نازیبا سلوک اختیار کیا جا چکا ہے۔

عرفی جاوید نے ایک واقعہ بیان کرتے ہوئے دعویٰ کیا کہ ویب سیریز کی شوٹنگ کے دوران خاتون فلم ساز نے برہنہ منظر شوٹ کروانے کے لیے زبردستی ان کے کپڑے پھاڑ کر انہیں شوٹنگ میں حصہ لینے پر مجبور کیا۔

انہوں نے کہا کہ پہلے انہیں صرف یہی بتایا گیا تھا کہ ویب سیریز میں رومانوی منظر ہیں لیکن جب وہ شوٹنگ کے لیے پہنچیں تو ان سے انتہائی نامناسب سین کرنے کو کہا گیا۔

ان کا کہنا تھا کہ ان سے ہم جنس پرستی کا برہنہ منظر شوٹ کروانے کا کہا گیا اور ان پر تشدد کرکے ان کے کپڑے تک پھاڑ دیے گئے، جس کے بعد وہ اداکاروں کی تنظیم کے پاس شکایت لے کر پہنچیں، جس نے انہیں پولیس میں رپورٹ درج کروانے کا مشورہ دیا۔

عرفی جاوید کے مطابق ان کی شکایت پر پولیس نے ویب سیریز کی ٹیم کو گرفتار کرلیا لیکن پھر ان پر بہت زیادہ دباؤ ڈالا گیا جس کے بعد انہوں نے اپنی درخواست واپس لی اور ویب سیریز کی ٹیم آزاد ہوگئی۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/entertainment/2023/09/361708/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/entertainment/2023/09/361708/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں