صبا حمید ایک بہت ہی باصلاحیت پاکستانی ٹیلی ویژن اور فلم کی اداکارہ ہیں جنہوں نے ڈراموں میں اداکاری کا آغاز پی ٹی وی سے کیا اور اس دور کے کئی لاجواب اور مشہور ڈرامہ سیریلز میں اپنی بے مثال اداکاری کے ذریعے شہرت حاصل کی۔

 صبا حمید کے یوں تو تمام ہی ڈرامے سپر ہٹ تھے مگر ایک مزاحیہ سٹ کام فیملی فرنٹ میں ان کی مزاحیہ اداکاری کو بے حد سراہا گیا۔ ان مقبول ترین ڈراموں میں تھکن، دل لگی، بارات سیریز، لشکر، بابا جانی، قید تنہائی، ایسی ہے تنہائی، لال عشق، من مائل، پیارے افضل اور میرا ہمسفر شامل ہیں۔ حال ہی میں، اداکارہ نے ہدایت کاری کے میدان میں بھی قدم رکھا ہے۔ ان کا حالیہ مشہور ڈرامہ سیریل جیسی آپ کی مرضی ہے جس میں میکال ذوالفقار اور دورفشان سلیم اداکاری کر رہے ہیں۔

شائقین صبا حمید کی اسٹائلش شخصیت اور ان کے دلکش انداز کو ہمیشہ سے ہی پسند کرتے ہیں۔ حال ہی میں صبا حمید نے ایک نجی اخبار کے لیے فوٹو شوٹ کروایا ہے۔ اس فوٹو شوٹ میں صبا حمید کا ایک نیا انداز دکھائی دے رہا ہے اور وہ  زیادہ جواں اور خوبصورت  نظر آرہی ہیں۔

اپنی نئی تصویروں میں، وہ آرام دہ  مغربی لباس پہنے ہوئے ہیں۔ ان کا اسٹائل اور میک اپ واجد خان نے کیا ہے۔

سوشل میڈیا صارفین خوبصورت اداکارہ کے بدلے ہوئے انداز  کو پسند کر رہے ہیں، بہت سے مداحوں کا خیال ہے کہ صبا حمید اب بھی صورت اور اداکاری کے لحاظ سے بہت سی حالیہ پاکستانی نوجوان اداکاراؤں سے بہتر ہیں۔ ایک سوشل میڈیا صارف نے لکھا کہ صبا حمید اب بھی اتنی خوبصورت ہیں اور میں اپنی جوانی میں بھی اتنی خوبصورت نہیں ہوں۔ تقریباً تمام سوشل میڈیا صارفین ان کی تصویریں دیکھ کر دنگ رہ گئے اور کہا کہ وہ اسے پہلی نظر میں پہچان بھی نہیں پائے۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/entertainment/2023/09/435061/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/entertainment/2023/09/435061/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں