پاکستان شوبز انڈسٹری کی مشہور و معروف اداکارہ حمائمہ ملک نے کہا ہے کہ اُن کا بھارتی اداکار عمران ہاشمی کے ساتھ فلم میں کام کرنے کا تجربہ بہت شاندار رہا۔

حال ہی میں متحدہ عرب امارات (یو اے ای) کی ریاست دبئی میں ہونے والے ایک شو میں اداکارہ حمائمہ ملک نے کہا کہ پاکستان اور بھارت کا صرف نام الگ ہے، باقی ان دونوں ممالک کی بہت ساری روایات ایک جیسی ہیں۔

انہوں نے کہا کہ پاکستانیوں اور بھارتیوں کے شوق بھی تقریباً ایک جیسے ہی ہیں، ان میں موسیقی، فلموں اور شوبز کے شوق بھی ایک جیسے ہی ہیں۔

ان کا کہنا تھا کہ میرا بھارتی اداکار عمران ہاشمی کے ساتھ فلم میں کام کرنے کا تجربہ بہت شاندار رہا۔

یہاں یہ بات واضح رہے کہ پاکستانی اداکارہ حمائمہ ملک نے 2014 میں عمران ہاشمی کے ساتھ فلم ’نٹور لال‘ میں کام کیا تھا، جس میں انہوں نے اداکار کے ساتھ بار میں ڈانس بھی کیا تھا۔

اداکارہ حمائمہ ملک کے مطابق آج بھی دنیا بھر میں لوگ جیسے ہی انہیں دیکھتے ہیں تو ان افراد کو عمران ہاشمی یاد آجاتے ہیں، پاکستانی اس بات کو کبھی بھول نہیں سکتے کہ میں نے عمران ہاشمی کے ساتھ کام کیا۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/entertainment/2023/09/460711/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/entertainment/2023/09/460711/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں