بالی وڈ کی سب سے امیر ترین اداکاراؤں کی فہرست جاری

بالی وڈ کی اداکارہ ایشوریا رائے بچن سب سے امیر ترین امیر ترین اداکارہ ہیں۔

غیر ملکی خبر رساں ادارے کے مطابق ایشوریا رائے بچن بالی وڈ کی امیر ترین اداکارہ ہیں جن کے بعد پریانکا چوپڑا اور پھر عالیہ بھٹ کا نمبر آتا ہے۔

 ایشوریا رائے بچن بالی ووڈ کی سب سے امیر ترین اداکارہ ہیں جن کی مجموعی مالیت 828 کروڑ روپے ہے۔

جبکہ اداکارہ پریانکا چوپڑا کی مجموعی مالیت 580 کروڑ روپے ہے۔

اسی طرح تیسرے نمبر پر عالیہ بھٹ براجمان ہیں جن کی مجموعی مالیت 557 کروڑ روپے ہے، اس کے بعد کرینہ کپور خان 440 کروڑ روپے کے ساتھ چوتھے نمبر پر ہیں۔

’ اس دوڑ میں پانچویں نمبر پر دیپیکا پڈوکون ہیں جن کی مجموعی مالیت 314 کروڑ روپے ہے۔

چھٹے نمبر پر انوشکا شرما ہیں جن کی مجموعی مالیت 255 کروڑ روپے ہے جبکہ مادھوری ڈکشٹ 248 کروڑ روپے کے ساتھ ساتویں نمبر ہر ہیں۔

اسی طرح اداکارہ کترینہ کیف کی مجموعی مالیت217 کروڑ روپے، شردھا کپور کی 112 کروڑ روپے اور جیکولین فرنینڈس 101 کروڑ کی مالک ہیں۔

واضح رہے کہ ایشوریا رائے نے اپنی اداکاری کا آغاز 1997ء میں منی رتنم کی تامل فلم ’ارووَر‘ سے کیا تھا جس کے بعد سے وہ کامیابی کی منازل طے کرتی چلی گئیں۔

اداکارہ ایشوریہ رائے دنیا بھر میں اپنی خوبصورتی کے لیے جانی جاتی ہیں، ایشویہ رائے نے 1994 میں ’مس ورلڈ‘ کا مقابلہ جیتا اور یہ وہی سال ہے جب سشمیتا سین نے ’مس یونیورس‘ کا مقابلہ جیتا تھا۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.bolnews.com/urdu/entertainment/2023/09/488710/amp/ کو لائک کریں