پاکستان شوبز انڈسٹری کی مشہور و معروف اداکارہ جویریہ سعود نے قومی کرکٹر شاہین آفریدی کی شادی میں شرکت کی ہے جس کی تصاویر سوشل میڈیا پر وائرل ہوگئیں۔

حال ہی میں اداکارہ جویریہ سعود نے سوشل میڈیا کی فوٹو اینڈ ویڈیو شئیرنگ ایپ انسٹا گرام پر کچھ تصاویر پوسٹ کیں جنہیں مداحوں کی جانب سے خوب پسند کیا جارہا ہے۔

شیئر کی گئی تصاویر میں دیکھا جاسکتا ہے کہ اداکارہ نے لال رنگ کا خوبصورت مشرقی لباس زیبِ تن کیا ہوا ہے جس میں وہ بہت پیاری لگ رہی ہیں۔

تصاویر میں اداکارہ کے ہمراہ شائستہ لودھی اور سویرا پاشا کو دیکھا جاسکتا ہے۔

واضح رہے کہ سابق کپتان شاہد آفریدی کی صاحبزادی انشا آفریدی کی تقریب رخصتی گزشتہ روز ڈی ایچ اے کے نجی بینکوئٹ ہال میں ہوئی جبکہ شاہین آفریدی اور انشاء آفریدی کا نکاح رواں سال 23 فروری کو ہوا تھا۔