پاکستانی اداکارہ جویریہ نیر نے کہا ہے کہ ان کے ہاں جب بیٹی کی پیدائش ہوئی تو اس کے کچھ ہی عرصے بعد ان کے شوہر میں دماغی بیماری کی تشخیص ہوئی۔

حال ہی میں اپنے دیے گئے ایک انٹرویو میں اداکارہ جویریہ نیر کا کہنا تھا کہ وہ اس وقت گھر کی واحد کفیل ہیں، وہ اداکاری کے ذریعے ہی گھر چلاتی ہیں، وہ نہ صرف اپنے بچوں بلکہ اپنے شوہر کو بھی سنبھالتی ہیں۔

انہوں نے کہا کہ ان کے ہاں جب 2015 میں بیٹی کی پیدائش ہوئی، اس کے کچھ ہی عرصے بعد ان کے شوہر میں دماغی بیماری کی تشخیص ہوئی اور انہیں معلوم ہوا کہ ان کے شوہر ’شیزوفرینیا‘ کے مریض ہیں۔

ان کا کہنا تھا کہ ایسے مریضوں کو عام طور پر لوگ جنات کے سائے یا اثر کا نتیجہ سمجھ کر بے یارو و مددگار چھوڑ دیتے ہیں لیکن حقیقت میں ان پر کسی چیز کا سایہ نہیں ہوتا بلکہ وہ بیمار ہوتے ہیں۔

اداکارہ جویریہ نیر کے مطابق ان کے شوہر کو ایسے دورے پڑتے تھے کہ وہ گلی میں جاکر وہاں سے مٹی اٹھا کر اپنے بالوں میں ڈالتے تھے، شوہر کی دماغی بیماری کی وجہ سے لوگ ان سے کترانے لگے اور ان کے ساتھ سب کا رویہ بھی تبدیل ہوگیا۔

انہوں نے کہا کہ ایسی خطرناک بیماری میں مبتلا شخص کے ساتھ زندگی گزارنا واقعی مشکل ہوجاتا ہے، ہر کسی کو ہر وقت یہ ڈر لگا رہتا ہے کہ مریض کب، کس وقت کچھ غلط نہ کردے۔

ان کا مزید کہنا تھا کہ تاہم ان کے شوہر خوش نصیب ہیں کہ انہیں کچھ اچھے دوست اور اچھے گھر والے ملے ہیں جو ان دیکھ بھال کرتے ہیں۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/entertainment/2023/09/583135/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/entertainment/2023/09/583135/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں