اپنے منفرد انداز اور اداکاری کی وجہ سے بالی ووڈ میں نام اور خاص مقام حاصل کرنے والے ورسٹائل ایکٹر نواز الدین صدیقی کی اہلیہ عالیہ صدیقی نے فلم انڈسٹری کو خیر آباد کہہ دیا ہے۔

حال ہی میں عالیہ صدیقی نے اپنے جاری کردہ ایک بیان میں کہا کہ ان کے دونوں بچے ابھی چھوٹے ہیں، بیٹی شورہ صرف 13 سال کی ہے اور موبائل فون کا ضرورت سے زیادہ استعمال ان کے لئے نقصان کا باعث بن سکتا ہے۔

انہوں نے کہا کہ مجھے احساس ہوا کہ اگر میں سوشل میڈیا نہیں چھوڑوں گی تو وہ بھی نہیں چھوڑے گی، اس لئے میں سوشل میڈیا سے کنارہ کشی اختیار کر رہی ہوں اور اس فیصلے میں نواز الدین بھی مجھ سے متفق ہیں۔

ان کا کہنا تھا کہ وہ بچوں کی خاطر صرف سوشل میڈیا کا استعمال نہیں چھوڑ رہی بلکہ فلم انڈسٹری سے بھی دوری اختیار کر رہی ہیں۔

عالیہ صدیقی کے مطابق انہوں نے حال ہی میں ایک مختصر فلم کی ہدایتکاری کی ہے لیکن اب مزید کام نہیں کرنا چاہتیں کیونکہ بچوں کو ان کے وقت کی زیادہ ضرورت ہے اور انڈسٹری میں انہیں صرف نواز الدین کی اہلیہ کی حیثیت سے پہچان ملی ہے۔

انہوں نے مزید کہا جب مناسب وقت آئے گا تب انڈسٹری میں دوبارہ کام کریں گی لیکن اس وقت تک اپنا زیادہ سے زیادہ وقت بچوں کی تعلیم و تربیت کے لئے وقف کرنا چاہتی ہیں، اس وجہ سے بچوں کے ساتھ دبئی منتقل ہوگئی ہیں۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/entertainment/2023/09/619923/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/entertainment/2023/09/619923/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں