پاکستان شوبز انڈسٹری کی معروف اداکارہ و ماڈل نوشین شاہ نے بھارتی اداکارہ کنگنا رناوت کو کھری کھری سُنادی ہے۔

حال ہی میں اپنے دیے گئے ایک انٹرویو میں اداکارہ نوشین شاہ نے کہا کہ میرا موازنہ بالی ووڈ اداکارہ کرینہ کپور سے کیا جاتا ہے، مجھے اس پر بُرا تو نہیں لگتا لیکن ہم دونوں کا موازنہ کرنا اچھی بات نہیں ہے، کیا میں خوبصورت نہیں ہوں؟

انہوں نے کہا کہ کرینہ کپور بھی بہت خوبصورت ہیں لیکن ہم دونوں کا ایک دوسرے سے موازنہ کرنا ٹھیک نہیں ہے۔

ان کا کہنا تھا وہ بالی ووڈ اداکارہ کنگنا رناوت سے ملاقات کرنے کی خواہش رکھتی ہیں، کنگنا رناوت سے صرف ایک بار ملنا چاہتی ہوں، وہ جس طرح میرے ملک کے بارے میں فضول باتیں کہتی ہیں، اور پاک فوج کے خلاف تبصرے کرتی ہیں ان کی جرات کو سلام ہے۔

نوشین شاہ کے مطابق کنگنا رناوت کو کسی بات کا علم نہیں ہے، وہ دوسرے ملک کے بارے میں فضول تبصرے کر رہی ہوتی ہیں، کنگنا کو اپنے ملک اور اپنی اداکاری، اپنے سابق بوائے فرینڈ اور اپنے تنازعات پر دھیان دینا چاہیے۔

انہوں نے کہا کہ کنگنا کون ہوتی ہیں کہ وہ ہمارے ملک کے بارے میں بات کریں؟ انہیں اپنے کام سے کام رکھنا چاہیے۔

ان کا مزید کہنا تھا کنگنا رناوت خوبصورت ترین عورت اور بہترین اداکارہ ہیں لیکن معافی چاہتی ہوں جب ملک کی عزت پر بات آجائے تو وہ اس معاملے میں بالکل اچھی نہیں ہیں۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/entertainment/2023/09/623064/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/entertainment/2023/09/623064/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں