جنید جمشید کی شخصیت کسی تعرف کی محتاج نہیں، ایک وقت تھا جب وہ انتہائی مشہور اور شاندار پاکستانی موسیقار اور گلوکار کے طور پرجانے جاتے تھے تاہم بعد میں انہوں نے دین اسلام  کی تعلیمات حاصل کی اور اپنی زندگی میں ایک انتہائی متقی، باعمل اور مذہبی اسکالر بن گئے

یہی وجہ ہے کہ ان کے جانے کے بعد ان کی پیاری سی فیملی کے لیے مداحوں کے دلوں میں ایک خاص جگہ ہے۔ ان کے تین بیٹے اور ایک بیٹی ہے۔ ان کے بیٹے تیمور، بابر اور سیف اکثر ٹیلی ویژن پر بطور مہمان مدعو کیے جاتے ہیں جہاں وہ اپنے والد کی خوبصورت نعتوں کو پرھ کر سماں باند دیتے ہیں۔

سیف اللہ جنید جمشید اپنے دوستوں کے ہمراہ مدینہ منورہ سعودی عرب میں عمرہ کی ادائیگی کے لیے موجود ہیں جہاں انہوں نے عمرہ ادا کیا ہے۔ تاہم  سیف اللہ کی ایک دل موہ لینے والی  ویڈیو انٹرنیٹ پربے حد پسند کی جارہی ہے جس میں وہ مسجد نبوی کے صحن میں بیٹھ کر اپنے بابا کی  مشہور نعت محمد (صلی اللہ علیہ وسلم) کا روضہ پڑھ رہے ہیں جبکہ  روضہ رسول صلی اللہ علیہ آلہ وسلم ان کے سامنے ہے اس پرسکون، نہایت مقدس اور باادب مقام پر بیٹھ کر نعت پڑھنا ایک سماں باندھ رہا ہے۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/entertainment/2023/09/659323/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/entertainment/2023/09/659323/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں