پاکستان شوبز انڈسٹری کی مشہور و معروف اداکارہ اقراء عزیز نے کہا ہے کہ میں شروع سے ہی شادی کرنا چاہتی تھی مگر میرا ماننا تھا کہ انڈسٹری میں کبھی شادی نہیں کرنی۔

حال ہی میں اپنے دیے گئے ایک انٹرویو میں اداکارہ اقراء عزیز کا کہنا تھا کہ بیٹا میری زندگی کا حسین ترین حصہ ہے، ماں بننے کے بعد میرا برداشت کا لیول بہت بہتر ہو گیا ہے، اب بیٹے کی حرکتیں دیکھ کر لگتا ہے کہ کوئی کچھ بھی کہے مجھے فرق نہیں پڑے گا میں سب برداشت کر لوں گی۔

انہوں نے کہا کہ میں بہت لڑائیاں کرتی تھی اور دوستوں میں بھی بہت مشہور ہے کہ میں بولتی بہت ہوں، کبھی ہاتھا پائی والی لڑائی نہیں ہوئی لیکن زبان سے میں کوئی وار خالی نہیں جانے دیتی تھی۔

شادی سے متعلق گفتگو کرتے ہوئے اداکارہ اقراء عزیز کا کہنا تھا کہ میں شروع سے ہی شادی کرنا چاہتی تھی مگر میرا ماننا تھا کہ انڈسٹری میں کبھی شادی نہیں کرنی لیکن یاسر حسین سے ملنے کے بعد میرے خیالات بھی تبدیل ہو گئے، یاسر سے مل کر مجھے سمجھ آ گیا تھا کہ یہی بندہ ہے جس کے ساتھ زندگی خوشی سے گزار سکتی ہوں۔

ان کا کہنا تھا کہ یاسر حسین مجھے ہر کام میں بہت سپورٹ کرتے ہیں، یہاں تک کہ میں اداکاری میں ان سے مدد لیتی ہوں کیونکہ انہوں نے تھیڑ میں کام کیا ہے تو وہ بہت حاضر دماغ ہیں جس کا مجھے بھی فائد ہوتا ہے اور وہ میری مدد کرتے ہیں۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/entertainment/2023/09/679915/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/entertainment/2023/09/679915/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں