معروف پاکستانی اداکارہ و ماڈل نادیہ حسین نے خود پر تنقید کرنے والوں کو کرارا جواب دے دیا ہے۔

حال ہی میں اپنے دیے گئے ایک انٹرویو میں نادیہ حسین کا کہنا تھا کہ جو لوگ میرے اکاؤنٹ میں آکر مجھے تنقید کا نشانہ بناتے ہیں میں انہیں ہرگز برداشت نہیں کرسکتی، میں بھی انہیں اسی لہجے میں جواب دینے کا حق رکھتی ہوں۔

انہوں نے کہا کہ لوگوں کے پاس ٹیکنالوجی آگئی ہے لیکن اسے استعمال کرنے کی عقل اور تمیز نہیں آئی، اگر کسی نے میرے بچے پر بھی منفی کمنٹ کیا ہے تو میں اسے جواب دوں گی، مجھے اپنے بچوں کو بتانا ہے کہ چاہے کوئی بھی ان کے خلاف بات کرے گا تو میں لڑوں گی، میں کسی کو اس بات کی اجازت نہیں دوں گی کہ وہ میری یا میرے بچوں کی عزت نفس کو نقصان پہنچائے۔

ان کا کہنا تھا کہ جہاں آپ کو لگتا کہ آپ ٹھیک ہیں وہاں آپ کو بولنا چاہیے، یہ دنیا معاف کرنے والی نہیں ہے، آپ کو پلٹ کر جواب دینا آنا چاہیے، اگر کوئی آپ سے بدتمیزی کرتا ہے تو اسے فوراً تھپڑ مار دینا چاہیے۔

نادیہ حسین کے مطابق عوام کے دماغ میں ایک کیڑا ہے جو کسی بھی چیز کو مثبت انداز میں نہیں لیتے، ہر چیز کو منفی طریقے سے سوچتے ہیں۔

انہوں نے کہا کہ ہماری عوام میں 70 فیصد لوگ منفی سوچتے ہیں اس کی وجہ حسد اور نفرت ہے، ایسے لوگ سوچتے ہیں کہ جو ان کے پاس نہیں ہے وہ چاہتے ہیں کہ دوسروں کے پاس بھی وہ چیز نہ ہو۔

ان کا مزید کہنا تھا کہ ہماری قوم میں منفی سوچنا فطرت بن گئی ہے، میرے ان باکس میں یہ بھی میسج آیا ہوا ہے کہ میں تم سے نفرت کرتا ہوں، لوگ منفی باتیں لکھنے میں وقت ضائع کرتے ہیں۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/entertainment/2023/09/706954/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/entertainment/2023/09/706954/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں