رنبیر کپور کی آنے والی ایکشن فلم اینیمل کی ہیروئن کون ہیں ؟ اب اس سوال کا جواب فلم کے نئے  پوسٹر سے سب کو مل گیاہے۔

فلم میکرز نے اینیمل کا نیا پوسٹر سوشل میڈیا پر جاری کیا جس میں دیکھا جا سکتا ہے کہ  ساؤتھ اداکارہ  ’رشمیکا منڈنا‘ فلم میں ایکشن ہیرو رنبیر کپور کی سادہ اور خوبصورت بیوی کا کردار ادا کررہی ہیں۔

اپنے کردار کا پوسٹر شیئر کرتے ہوئے اداکارہ نے لکھا ’’آپ کی گیتانجلی‘‘۔

ٹی سیریز نے اینیمل کے ٹریلر کی ریلیز کی تاریخ کے بارے میں بھی ایک دلچسپ اپ ڈیٹ دی ہے جوکہ 28 ستمبر کو آرہا ہے۔

  ذرائع کے مطابق فلم 1 دسمبر 2023 کو ریلیز ہونے والی ہے۔

پوسٹر دیکھیں:

واضح رہےکہ رنبیر کپور کی اس ایکشن فلم کی تشہیر کیلئے بھی شاہ رخ خان کی بلاک بسٹر فلم جوان کی حکمت عملی اپنانے کا فیصلہ کیا گیا ہے۔

اپنے حالیہ انٹرویو میں، ٹی سیریز کے سربراہ اور فلم اینیمل کے پروڈیوسر بھوشن کمار نے فلم اینیمل کی ریلیز ڈیٹ کی تبدیلی کے پیچھے اصل وجہ کے بارے میں بات کی۔

انہوں نے کہا کہ ‘اینیمل’ ایک بہت اچھی فلم ہے جو ہدایت کار سندیپ ریڈی وانگا نے بنائی ہے۔ فلم یکم دسمبر کو ریلیز کی جائے گی ، فلم پر کچھ کام رہ جانے کی وجہ سے انہیں ابتدائی ریلیز کو پیچھے دھکیلنا پڑا۔

انہوں نے شاہ رخ خان کی حالیہ بلاک بسٹر فلم جوان کی مثال دیتے ہوئے کہا، “اگر آپ دیکھیں تو ‘جوان’ کی ایڈوانس بکنگ تلنگانہ اور آندھرا پردیش کی جنوبی مارکیٹ میں بہت زیادہ تھی، میرے ہدایت کار، اداکار اور ہیروئن جنوب سے ہی ہیں۔ ‘اینیمل’ ایک پین انڈین فلم ہے، اس لیے ہم اسے متعدد زبانوں میں ریلیز کرنے کا منصوبہ بنا رہے ہیں، جو صرف مختلف زبانوں میں ڈبنگ تک محدود نہیں ہے۔ ہم اسے پوری طرح پروموٹ کرنا چاہتے ہیں، جیسا کہ ‘جوان’ نے کیا تھا۔”

اس کے علاوہ بھوشن نے انکشاف کیا کہ اینیمل ایک میوزیکل فلم ہے جس میں آٹھ گانے ہیں۔ “لہٰذا ہمیں گانوں کو مختلف زبانوں میں ڈب کرنا ہے، اور رنبیر کپور کے لیے تامل، تیلگو اور ملیالم سمیت دیگر زبانوں میں پریکٹس میں بھی وقت لگے گا، اس لیے، ہم نے اسے ملتوی کر دیا، اور اب ہم اس فیصلے سے بہت خوش ہیں۔ اب بہت سی فلمیں تھیٹروں میں اچھی کارکردگی دکھا رہی ہیں۔ لوگ واپس آ رہے ہیں۔ یہ باکس آفس کے لیے ایک اچھی علامت ہے۔”

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.bolnews.com/urdu/entertainment/2023/09/714587/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/entertainment/2023/09/714587/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں