پاکستان شوبز انڈسٹری کی مشہور و معروف اداکارہ کومل عزیز خان نے کہا ہے کہ اسکرین سے دوری اختیار کرنے کی وجہ سے ان کی زندگی انتہائی پُرسکون گزر رہی ہے اور انہیں کسی طرح کی کوئی پریشانی نہیں۔

اپنے دیے گئے ایک انٹرویو میں اداکارہ کومل عزیز خان کا کہنا تھا کہ جب وہ امریکا نہیں گئی تھیں تو انہیں بتایا گیا تھا کہ امریکی لوگ 18 سال کی عمر تک پہنچتے ہی بچوں کو پھینک دیتے ہیں، انہیں اولاد کی کوئی پرواہ نہیں ہوتی۔

انہوں نے کہا کہ لیکن جب وہ وہاں گئیں اور دیکھا کہ امریکی لوگ اپنے بچوں سے اجازت لیتے وقت آبدیدہ ہو جاتے ہیں تو وہ حیران رہ گئیں۔

ان کا کہنا تھا کہ ان کے دماغ میں امریکیوں سے متعلق غلط فہمی تھی جو وہاں جاکر دور ہوئی۔

اسکرین سے دوری سے متعلق گفتگو کرتے ہوئے کومل عزیز خان نے کہا کہ ان کی زندگی انتہائی پرسکون گزر رہی ہے اور انہیں کسی طرح کی کوئی پریشانی نہیں۔

اپنا کاروبار کرنے کے حوالے سے بات کرتے ہوئے اداکارہ کا کہنا تھا کہ جس طرح انسان کوئی کام کرتا ہے اور اس کے پاس کوئی دوسرا بیک اپ ہوتا ہے تو وہ ہمیشہ چوڑا ہوتا ہے، اسی لیے وہ بھی اپنا کاروبار ہونے کی وجہ سے ہمیشہ چوڑی رہتی ہیں۔

واضح رہے کہ کومل عزیز خان نے امریکا میں تعلیم حاصل کی اور وہاں چند سال تک ملازمت اور کاروبار بھی کیا اور بعد ازاں پاکستان آکر انہوں نے اداکاری کا آغاز کیا۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/entertainment/2023/09/742607/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/entertainment/2023/09/742607/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں