پاکستان شوبز انڈسٹری کی مشہور و معروف اداکارہ سحر خان کو بالی ووڈ اداکارہ پرینکا چوپڑا سے متعلق بیان دینے پر کڑی تنقید کا سامنا ہے۔

حال ہی میں اپنے دیے گئے ایک انٹرویو میں اداکارہ سحر خان سے میزبان نے سوال کیا تھا کہ ایسا کونسا کردار ہے جسے آپ کرنے کی خواہش رکھتی ہیں؟

جس پر سحر خان نے جواب دیا کہ اپنے کریئر کے آغاز سے ہی مجھے ایک کردار کرنے کا بہت شوق ہے، فلم ’برفی‘ میں پریانکا چوپڑا نے جنونی (سائیکو پیتھ) جیسا کردار ادا کیا تھا، میں چاہتی ہوں اس طرح کا کوئی کردار ادا کروں۔

ان کا کہنا تھا کہ میری خواہش ہے کہ میں اس طرح کا کوئی کردار ہو جہاں میں پاگل، جنونی بنوں، مجھے لگتا ہے کہ ایسا کردار میں اچھا کروں گی۔

برفی میں پریانکا چوپڑا کے کردار کو “پاگل” کہنے پر سوشل میڈیا صارفین نے اداکارہ سحر خان کو آڑے ہاتھوں لے لیا۔

اس تنقید کے بعد اداکارہ سحر خان نے اپنے دیے گئے بیان پر معافی مانگ لی۔

سماجی رابطے کی ویب سائٹ ایکس (ٹوئٹر) پر اپنے جاری کردہ ایک بیان میں سحر خان نے کہا کہ “ایک حالیہ انٹرویو میں میرا کہنے کا مطلب یہ تھا کہ میں ایک معذور شخص کا کردار کرنا چاہتی ہوں لیکن میں نے غلطی سے کچھ اور کہہ دیا، مجھے سوال کا جواب دینے سے پہلے اپنے خیالات کو اکٹھا کرنا چاہیے تھا تاکہ بہتر انداز میں بیان کیا جا سکے”۔

In a recent interview I meant to say I want to do a role of a differently abled person but due to slip of tongue, I mistakenly said something else. I should have gathered my thoughts before answering the question to express myself better. (1/2)

— sehar khan (@iamseharkhan) September 13, 2023

ان کا کہنا تھا کہ “دماغی معذوری اور خصوصی افراد کا میں احترام کرتی ہوں اور یہ لوگ ہمارے لیے بہت اہم ہیں، اس لیے اگر میں نے غیر ارادی طور پر کسی کو تکلیف پہنچائی ہو تو میں معذرت خواہ ہوں”۔

Mental disabilities and special needs are a very important matter, and I have immense respect for people who are dealing with them; hence I apologize if I unintentionally hurt anyone. (2/2)

— sehar khan (@iamseharkhan) September 13, 2023

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/entertainment/2023/09/777455/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/entertainment/2023/09/777455/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں