بھارتی اداکار اکھل مشرا، جنہیں بلاک بسٹر فلم ‘3 ایڈیٹس’ میں لائبریرین دوبے کے کردار کے لیے سب سے زیادہ یاد کیا جاتا ہے، جمعرات کی صبح کچن میں ایک حادثے کے بعد انتقال کر گئے۔

میڈیا رپورٹس کے مطابق میرا روڈ میں دوسری منزل کے فلیٹ پر واقع اپنے کچن کی بالکونی سے گر کر اداکار کی موت ہوئی اور جب حادثہ پیش آیا وہ کپڑے خشک کرنے کی کوشش کر رہے تھے۔

رپورٹس میں بتایا گیا کہ اداکار کو فوری طور پر اسپتال لے جایا گیا تھا تاہم، وہ چند گھنٹوں کے بعد دم توڑ گئے تھے۔

علاوہ ازیں ایک رپورٹ میں کہا گیا ہے کہ اداکار بلڈ پریشر سے متعلق مسائل کی وجہ سے کچھ عرصے سے بیمار تھے۔

اکھل کئی مشہور ٹیلی ویژن شوز جیسے اترن، اڑان، سی آئی ڈی، شریمان شریمتی، حاتم اور دیگر کا بھی حصہ رہے ہیں۔

دوسری جانب اداکار کو ڈان، گاندھی، مائی فادر، شیکھر، کملا کی موت، ویل ڈن ابا جیسی فلموں میں بھی دیکھا گیا ہے۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/entertainment/2023/09/829733/amp/ کو لائک کریں

ٹوئٹر پر ہمیں فالو کریں https://www.bolnews.com/urdu/entertainment/2023/09/829733/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں