پاکستانی فلم ساز بلال لاشاری کو بالی ووڈ فیسٹیول ناروے میں بہترین فلم ساز کے ایوارڈ سے نوازا گیا ہے یہ ایوارڈ تنقیدی طور پر سراہی جانے والی فلم ’’دی لیجنڈ آف مولا جٹ‘‘ پر ان کے شاندار کام کے اعتراف میں دیا گیا ہے۔

بالی ووڈ فیسٹیول ناروے، ناروے میں ہندوستانی سنیما اور ثقافت کی سب سے اہم  تقریب ہے۔ اس میلے کی بنیاد 2003 میں ناروے میں ہندوستانی سنیما اور ثقافت سمجھ بوجھ اور تعریف کو فروغ دینے کے لیے رکھی گئی تھی۔ یہ میلہ ناروے کے ثقافتی کیلنڈر میں ایک اہم تقریب کے طور پر جانا جاتا ہے، جو ہر سال ہزاروں حاضرین کو اپنی طرف متوجہ کرتا ہے۔

لاشاری کی جیت پاکستانی سینما کے لیے ایک اہم سنگ میل ہے۔ یہ پہلا موقع ہے کہ کسی پاکستانی فلم ساز نے بہترین فلم ساز کا ایوارڈ جیتا ہے۔ یہ ایوارڈ لاشاری اور ایسی فلمیں بنانے کی صلاحیت کا منہ بولتا ثبوت ہے جو دنیا بھر کے شائقین کی پسند ہیں ۔ دی لیجنڈ آف مولا جٹ” ایک تاریخی ایکشن فلم ہے جو ایک لیجنڈری جٹ جنگجو کی کہانی بیان کرتی ہے۔

ایوارڈ حاصل کرنے پر لاشاری نے فیسٹیول کے منتظمین اور ایوارڈ کے لیے جیوری کا شکریہ ادا کیا، لاشاری کی یہ جیت پاکستانی سینما کے لیے ایک اہم کامیابی ہے اور اس بات کی علامت ہے کہ پاکستانی فلمیں اب دنیا بھر میں مقبول ہورہی ہیں۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/entertainment/2023/09/838951/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/entertainment/2023/09/838951/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں