جوان کی کامیابی کا جشن مناتے ہوئے  فلم کے ہدایت کار ایٹلی نے کہا کہ فلم کا کردار وکرم راٹھور ان کا ہیرو ہے، وہ اس کردار کے ساتھ فلم کا سیکوئل بنانے کے خواہشمند ہیں۔

ہدایت کا ر ایٹلی نے جوان کا اختتام سیکوئل کے وعدے کے ساتھ کیا ہے، جیسا کہ ان کا کہنا ہےکہ فلم کے دو مرکزی کردار آزاد (بیٹا) اور وکرم راٹھور(باپ) سیکوئل میں سوئس بینک کے پس منظر میں بدعنوانی سے لڑنے کے مشن کے لئے خود کو تیار کریں گے۔

ایٹلی نے جوان 2 کے حوالے سے مزید بتایاکہ میری ہر فلم کا ایک اوپن اینڈ ہوتا ہے لیکن آج تک میں نے اپنی کسی فلم کا سیکوئل بنانے کا نہیں سوچا، جوان کے لیے، اگر میرے پاس کوئی مضبوط چیز آئی تو میں اس کا سیکوئل بناؤں گا کیونکہ میں نے اس کا بھی ایک اوپن اینڈ رکھا ہے اور میں ابھی یا بعد میں ایک سیکوئل لے کر آسکتا ہوں۔

فلم کی ریلیز کو 10 روز گزر چکے ہیں جبکہ ایک اندازے کے مطابق اس نے اب تک  دنیا بھر سے 700 کروڑ روپے سے زائد کا بزنس بھی کرلیا ہے۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.bolnews.com/urdu/entertainment/2023/09/862782/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/entertainment/2023/09/862782/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں