سعود قاسمی کا شمار پاکستان کے انتہائی باصلاحیت اداکاروں اور پروڈیوسروں میں کیا جاتا ہے، جو اپنی عمدہ اداکاری کے فن اور کامیاب فلموں میں نمایاں کارکردگی کے لیے مشہور ہیں۔

سعود نے بہت سی مشہور پاکستانی فلموں اور ٹیلی ویژن ڈراموں میں کام کیا ہے جن میں محبت 95، مس استنبول اور مجاجن شامل ہیں۔ اس کے علاوہ، انہوں نے ’’یہ زندگی ہے‘‘ اور ’’خدا اور محبت‘‘جیسی سپر ہٹ ٹی وی سیریز میں  کام کرنے کے ساتھ بطور پروڈیوسر  بھی کامیابی حاصل کی۔

 حال ہی میں، سعود قاسمی نے اپنی اہلیہ جویریہ سعود کے ساتھ مل کر بے حد پسند کیے جانے والے ڈرامے ’’بے بی باجی‘‘میں ناظرین کو اپنے کام سے متاثر کیا۔ ڈرامے میں جمال  کے کردار میں کی ان کی تصویر کشی کو بے پناہ پذیرائی ملی۔ سعود کا تعلق ایک انتہائی مذہبی گھرانے سے ہے یہی وجہ کہ وہ اپنی گہری مذہبی عقیدت کے لیے بھی جانے جاتے ہیں اور اکثر نعتیں پڑھ کر اپنی محبت کا اظہار کرتے ہیں۔

سعود اور جویریہ کو حال ہی میں ایک نجی ٹی وی کے شو میں بطور مہمان مدعو کیا گیا جہاں سعود قاسمی نے انکشاف کیا کہ انہیں اب بھی بالی ووڈ سے متعدد  فلموں کی پیشکشیں آتی ہیں۔ فلموں میں کام کرنے کے حوالے سے بات کرتے ہوئے انہوں نے کہا کہ ہاں، میرا فلمیں کرنے کا ارادہ ہے، میں ایسی فلمیں کر سکتا ہوں جیسے دوسرے تمام اداکار کر رہے ہیں، زیادہ سے زیادہ میری فلم ہٹ نہیں ہوگی۔ اس کے علاوہ ایک حیران کن حقیقت یہ بھی ہے کہ مجھے بالی ووڈ سے دو سے تین فلموں کی آفرز ہوئی ہیں لیکن مجھے پاکستان سے کوئی آفر نہیں آئی۔

انہوں نے مزید کہا کہ  میں اپنی فلم کے سیٹ پر علی خان کے ہمراہ بیٹھا تھا ہم نے ایک ساتھ ایک فلم کی ہے جو جلد ہی ریلیز ہونے والی ہے، جبکہ فلم کا نام ہے ’’ہم سب ‘‘ ہے، تاہم انہوں مزید کہا کہ پڑوسی ملک سے جو آفر مجھے ہوئی تھی وہی آفر علی خان بھی ہوئی تھی اور یہ آفر بالی ووڈ کے ایک بڑے ڈائریکٹر کی طرف سے تھی، مجھے بھارت سے کئی آفرز ملیں لیکن  پاکستان سے کوئی آفر نہیں آئی۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/entertainment/2023/09/937460/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/entertainment/2023/09/937460/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں