بالی ووڈ کے سپر اسٹار شاہ رخ خان کی فلم جوان کے ڈائریکٹر ایٹلی، 21 ستمبر کو 37 سال کے ہوگئے ہیں۔

اس موقع پر سپر اسٹار نے فلمساز کو خوبصورت انداز میں سالگرہ کی مبارکباد پیش کی اور ان کے لئے نیک خواہشات کا بھی اظہار کیا۔

کنگ خان نے اپنے سوشل میڈیا پر اپنی بلاک بسٹر فلم جواب کا گانا ’فراٹہ‘ شیئر کیا جس میں شاہ رخ خان اور دیپیکا پڈوکون شامل ہیں اور ان کی آن اسکرین کیمسٹری نے مداحوں کے دل جیت لئے ہیں۔

اس گانے کو شیئر کرتے ہوئے اداکار نے کیپشن میں لکھا کہ دیپیکا کے ساتھ بہت سے گانوں میں کام کیا ہے لیکن ایک ایٹلی کے اسٹائل جیسا گانا  نہیں، سالگرہ مبارک ہو میرے دوست ایٹلی اور اس فراٹہ کے لیے آپ کا شکریہ… پہلی ملاقات، پہلی محبت، وہ فراٹہ احساس۔

خیال رہے کہ اس گانے میں شاہ رخ خان اور دیپیکا پڈوکون  کو وکرم اور ایشوریہ راٹھور کے روپ میں دیکھا جا سکتا ہے جوکہ اس فلم میں ان کی بے مثال کیمسٹری کی وجہ سے سب سے زیادہ متاثر کن کردار ثابت ہوئے۔

 دو منٹ اور 20 سیکنڈ  طویل اس گانے کو انیرودھ روی چندر نے کمپوز کیا ہے جبکہ کمار نے لکھا ہے،  اس گانے کو ارجیت سنگھ اور جونیتا گاندھی نے ریپر بادشاہ کے ساتھ مل کر گایا ہے جو سننے کے ساتھ ساتھ دیکھنے میں بھی باکمال ہے۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/entertainment/2023/09/979518/amp/ کو لائک کریں

ٹوئٹر پر ہمیں فالو کریں https://www.bolnews.com/urdu/entertainment/2023/09/979518/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں