بالی ووڈ کی آنے والی نئی میگا ایکشن فلم ’اینیمل‘ کے لئے رنبیر کپور سمیت دیگر کاسٹ نے کتنا معاوضہ وصول کیا ہے، یہ جان کر آپ حیران رہ جائیں گے۔

بھارتی میڈیا رپورٹس کے مطابق رنبیر کپور عام طور پر ایک فلم کا معاوضہ  60 سے 70 کروڑ بھارتی روپے وصول کر تے ہیں لیکن انہوں نے فلم اینیمل کے لئے  اپنا معاوضہ آدھا کر دیا ہے۔

ذرائع کے مطابق سندیپ ریڈی وانگا کی ہدایت کاری میں بننے والی اس فلم اینیمل میں رنبیر کپور نے مرکزی کردار کے لئے صرف 30 سے 35 کروڑ روپے معاوضہ لیا ہے جبکہ فلم کے منافع میں بھی ان کا حصہ ہوگا۔

اس فلم کی دیگر مرکزی کاسٹ میں انیل کپور، بوبی دیول اور جنوبی بھارت کی اداکارہ راشمیکا مندنا بھی شامل ہیں۔

بھارتی میڈیا کی رپورٹس کے مطابق راشمیکا مندنا  نے اس فلم کے لیے 4 کروڑ روپے بطور معاوضہ لیا ہے۔

فلم اینیمل میں ہیرو رنبیر کپور کے والد کا کردار نبھانے والے اداکار انیل کپور نے صرف 2 کروڑ روپے لیے ہیں۔

ان کے علاوہ بوبی دیول کے معاوضے سے متعلق یہ کہا جارہا ہے کہ انہوں نے اس فلم  کے لیے 4 سے 5 کروڑ روپے تک وصول کیے ہیں۔

فلم اینیمل کا ٹیزر دیکھیں:

رنبیر کپور کی اس ایکشن تھرلر فلم کی تشہیر کیلئے سپر اسٹار شاہ رخ خان کی بلاک بسٹر فلم جوان کی حکمت عملی اپنانے کا فیصلہ کیا گیا ہے۔

اپنے حالیہ انٹرویو میں، ٹی سیریز کے سربراہ اور فلم کے پروڈیوسر بھوشن کمار نے شاہ رخ خان کی حالیہ بلاک بسٹر فلم جوان کی مثال دیتے ہوئے کہا، “اگر آپ دیکھیں تو ‘جوان’ کی ایڈوانس بکنگ تلنگانہ اور آندھرا پردیش کی جنوبی مارکیٹ میں بہت زیادہ تھی، میرے ہدایت کار اور ہیروئن جنوب سے ہی ہیں۔ اس لیے ہم اسے متعدد زبانوں میں ریلیز کرنے کا منصوبہ بنا رہے ہیں، جو صرف مختلف زبانوں میں ڈبنگ تک محدود نہیں ہے۔ ہم اسے پوری طرح پروموٹ کرنا چاہتے ہیں، جیسا کہ ‘جوان’ نے کیا تھا۔”

واضح رہے کہ فلم اینیمل یکم دسمبر 2023 کو دنیا بھر میں پانچ زبانوں ہندی، تیلگو، تامل، کناڈا اور ملیالم میں ریلیز کیلئے پیش کی جائے گی۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.bolnews.com/urdu/entertainment/2023/10/112377/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/entertainment/2023/10/112377/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں