بھارتی سپراسٹار شاہ رخ خان بالی وڈ کے ’ کنگ آف رومانس‘ سے ’ایکشن اسٹار‘ بن گئے ہیں۔

گزشتہ تین دہائیوں سے شاہ رخ خان بے مثال رومانوی  ہیرو کی حیثیت سےبالی وڈ اور کروڑوں مداحوں کے دلوں پر راج کر رہے ہیں، لیکن رواں سال انہوں نے بلاک بسٹر فلموں پٹھان اور جوان کے بعد ایکشن ہیرو کی نئی پہچان اپنا لی ہے۔

اس حوالے سے بھارتی فلم نقاد انوپما چوپڑا نے اپنا تجزیہ بیان کرتے ہوئے کہاکہ  یہ شاہ رخ خان کے کیرئیر کا ایک نیا دور ہے، اس سے پہلے اسکرین پر ہم جس شاہ رخ خان کی شخصیت کو دیکھتے آئے تھے آج نظر آنے والا شاہ رخ اس سے بالکل مختلف ہے۔

1995 میں بلاک بسٹر فلم ’دل والے دلہنیا لے جائیں گے‘ ریلیز ہوئی اور شاہ رخ خان بالی وڈ کے سب سے مقبول رومانو ی ہیرو بن گئے۔

پھر انہوں نے ایک نئی پہچان اختیار کرلی اور ایک کے بعد ایک رومانس اور کامیڈی سے بھرپور کامیاب فلمیں کرکے دنیا بھر میں اپنا نام بنایا۔

گزشتہ روز شاہ رخ خان نے اداکارہ رانی مکھرجی اور فلمساز کرن جوہر کے ہمراہ اپنی بلاک بسٹر فلم ’کچھ کچھ ہوتا ہے‘ کی سلور جوبلی کی تقریب میں شرکت کی۔

شاہ رخ خان نے اسی دوران محبت کی کہانی پر مبنی فلم  کرنے کے بارے میں اپنے تحفظات کا اظہار کرتے ہوئے کہاکہ پتہ نہیں اب وہ رومانوی فلم کریں یا نہ کریں۔

ان کے اس اعلان پر وہاں موجود حاضرین نے شدید ردعمل دیا جس پر شاہ رخ خان نے سنجیدگی کا مظاہرہ کرتے ہوئے کہاکہ ’رومانوی فلمیں اب انڈسٹری کے جوان بچوں کو کرنے دو ‘۔

شاہ رخ خان کی یہ ویڈیو جیسے ہی سوشل میڈیا پروائرل ہوئی تو دنیا بھر میں موجود ان کے کروڑوں مداحوں کے دل ٹو ٹ گئے۔

سوشل میڈیا پر صارفین نے سپر اسٹار کو ایک مرتبہ پھر اپنے مخصوص انداز میں ہاتھ پھیلاتے ہوئے رومانوی فلم کرنے کا مشورہ دیا ہے۔

ویڈیو دیکھیں:

شاہ رخ خان کے بارے میں بات کرتے ہوئے رانی مکھرجی نے بھی کہاکہ جب وہ ( شاہ رخ خان) کہتے ہیں کہ فلموں میں اب نوجوان اداکاروں کو رومانس کرنے دیں تو انہیں نہیں لگتا کہ کوئی شاہ رخ خان جیسا رومانس بڑی اسکرین پر کر سکتا ہے۔

اس مو قع پر رانی مکھرجی نے مزید کہاکہ انہیں رومانس کرنا شاہ رخ خان نے سکھایا ہے اور ان سے بہتر رومانس کوئی نہیں کر سکتا۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/entertainment/2023/10/187690/amp/ کو لائک کریں

ٹوئٹر پر ہمیں فالو کریں https://www.bolnews.com/urdu/entertainment/2023/10/187690/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں