بالی ووڈ کی خوبرو اداکارہ سشمیتا سین نے اپنی کرائم تھرلر ویب سیریز’ آریا 3  ‘ کی ریلیز کا اعلان کردیا ہے۔

سشمیتا سین نے اپنے انسٹا گرام پر ایک مختصرویڈیو کلپ  پوسٹ کرتے ہوئے کیپشن میں لکھا کہ ’ 3  نومبر، شیرنی کے لوٹنے کا وقت آگیا ہے‘۔

اس سے قبل سشمیتا سین نے ’ آریا 2 ‘ میں اپنی شاندار اداکاری سے مداحوں سے خوب داد سمیٹی تھی۔

اداکارہ نے اپنے ایک حالیہ انٹرویو میں بتایا کہ انہوں نے زندگی میں کبھی سگار نہیں پیا تھا، جس کی وجہ سے انہیں ویب سیریز آریا 2 میں سگار پیتے ہوئے ایک سین کو فلمانے میں 20 دن لگے تھے۔

انہوں نے کہاکہ اس سیریز میں انہیں اپنے منفرد جرائم پیشہ خاتون کے کردار کی تیاری کے لئے بہت محنت کرنی پڑی ، جس میں ماہرانہ طریقے سے اسلحے کا استعمال اور سگار پینے کی پریکٹس شامل تھی۔

رواں سال مارچ کے مہینے میں سشمیتا سین کو دل کا دورہ پڑا تھا ، جس کے بعد ان کی کامیاب انجیو پلاسٹی ہوئی۔

اداکارہ نے صحت یاب ہونے کے بعد مشکل ایکشن مناظر کی مشق کی اور آریا 3 کی شوٹنگ مکمل کروائی۔

واضح رہے کہ آریا 3 سیریز آریا 2 کا ہی تسلسل ہے جس میں ایک خاتون ( سشمیتا سین) کو اپنے بچوں کا دفاع کرنے کے لیے جرائم کی دنیا سے لڑتے ہوئے دکھایا گیا ہے۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/entertainment/2023/10/194442/amp/ کو لائک کریں

ٹوئٹر پر ہمیں فالو کریں https://www.bolnews.com/urdu/entertainment/2023/10/194442/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں