ہالی ووڈ کی معروف اداکارہ اور انسانی حقوق کی سرگرم کارکن انجلینا جولی نے غزہ میں ایندھن اور پانی کی فراہمی روکنے کو اجتماعی سزا قرار دے دی ہے۔

حال ہی میں اداکارہ انجلینا جولی نے اسرائیل فلسطین کشیدگی سے متعلق سوشل میڈیا کی فوٹو اینڈ ویڈیو شیئرنگ ایپ انسٹاگرام پر ایک طویل نوٹ پوسٹ کیا جس میں اُنہوں نے کہا کہ دنیا بھر کے لاکھوں لوگوں کی طرح میں بھی اسرائیل پر دہشت گردانہ حملے اور بہت سے معصوم شہریوں کی موت دیکھ کر شدید غصہ ہوں۔

انہوں نے کہا کہ میں یرغمالیوں کی فوری بحفاظت واپسی کے لیے دُعاگو ہوں، سب سے زیادہ دُکھ بچوں کا قتل دیکھ کر ہوا اور بہت سے بچے تو یتیم بھی ہوچکے ہیں۔

ان کا کہنا تھا کہ اسرائیل میں جو کچھ ہوا وہ دہشت گرد کارروائی تھی لیکن اس کے بدلے میں غزہ کی شہری آبادی پر بمباری کرکے معصوم جانوں کا ضیاع کرنا کوئی جواز نہیں۔

اداکارہ کے مطابق غزہ میں پانی، بجلی، خوراک نہیں، اُن کے پاس جانے کے لیے کوئی جگہ نہیں اور پناہ حاصل کرنے کے لیے سرحد عبور کرنے کا بنیادی انسانی حق بھی نہیں۔

انہوں نے کہا کہ غزہ کی آبادی 20 لاکھ سے زیادہ ہے، جن میں زیادہ تر بچے ہیں، جو تقریباً دو دہائیوں سے سخت ناکہ بندی میں زندگی گزار رہے ہیں۔

ان کا کہنا تھا کہ وہاں جو چند امدادی ٹرک داخل ہورہے ہیں وہ غزہ کی ضروریات کو پورا نہیں کرسکتے، روزانہ کی بنیاد ہونے والی بمباری کی وجہ سے غزہ میں انسانی ضروریات میں اضافہ ہورہا ہے۔

انجلینا جولی نے کہا کہ میں فوری جنگ بندی کا مطالبہ کرتی ہوں کیونکہ فلسطینی اور اسرائیلی زندگی بلکہ عالمی سطح پر تمام لوگوں کی زندگیاں یکساں اہمیت رکھتی ہیں۔

اداکارہ کے مطابق دوسرے لوگوں کی طرح میں نے بھی طبی امدادی کوششوں کے لیے عطیہ کیا ہے۔

واضح رہے کہ غزہ میں اسرائیل کی بمباری سے شہید فلسطینیوں کی تعداد 8 ہزار سے تجاوز کرچُکی ہے جس میں 4000 سے زائد بچے بھی شامل ہیں۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.bolnews.com/urdu/entertainment/2023/10/212142/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/entertainment/2023/10/212142/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں