بالی وڈ کی نامور فلمساز ریاکپور نے اپنی ہٹ فلم  ’ویرے دی ویڈنگ‘  کے سیکوئل سے متعلق اہم اعلان کردیا ہے۔

بھارتی میڈیا رپورٹس کے مطابق اپنے حالیہ انٹرویو میں لیجنڈری اداکار انیل کپور کی بڑی صاحبزادی اور فلمساز ریا کپور نے فلم ’ویرے دی ویڈنگ‘ کے سیکوئل کی تصدیق کرتے ہوئے کہا کہ وہ اس  کے اسکرپٹ پر کام کر رہی ہیں۔

ریا کپور نے بتایاکہ ان کی کوشش ہے کہ جو توقعات ’ ویرے دی ویڈنگ‘ کے سیکوئل کے حوالے سے کی جارہی ہیں، وہ اس پر پورا اترتے ہوئے اسکرپٹ کو زیادہ بہتر بنائیں۔

ذرائع کے مطابق ویرے دی ویڈنگ ٹو کی کاسٹ سے متعلق انہوں نے فی الحال کوئی تصدیق یا ناموں کا اعلان نہیں کیا۔

 ویرے دی ویڈنگ 2 کی کاسٹ کے حوالے سے سوشل میڈیا پر یہ افواہیں گردش کر رہی ہیں کہ کرینہ کپور خان اور سونم کپور ایک بار پھر اس سیکوئل میں ایک ساتھ جلوہ گر ہوں گی۔

واضح رہےکہ سال 2018 میں ریلیز کی گئی ’ویرے دی ویڈنگ‘ خواتین کی دوستی اور ان کی آزادی کے موضوع پر بننے والی ایک منفرد کامیڈی فلم تھی جسے ششانکا گھوش نے ڈائیریکٹ کیا تھا۔

 ریا کپور، ایکتا کپور اور نکھل دویدی کی پروڈیوس کردہ اس فلم  میں کرینہ کپور خان، سونم  کپور ، سوارا بھاسکر اور شیکھا تلسانیا نے مرکزی کردار ادا کیے تھے۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/entertainment/2023/10/291525/amp/ کو لائک کریں

ٹوئٹر پر ہمیں فالو کریں https://www.bolnews.com/urdu/entertainment/2023/10/291525/amp/ اور حالات سے باخبر رہیں۔

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں