آئی سی سی ورلڈ کپ میں پاکستان اور بھارت کا میچ دیکھنے کے لئے اسٹیڈیم آنے والی بالی وڈ اداکارہ اروشی روٹیلا اپنے قیمتی ترین آئی فون سے محروم ہو گئیں ۔

بھارتی میڈیا کے مطابق اداکارہ نے سوشل میڈیا پر ایک پوسٹ جاری کی ، جس میں انہوں نے میچ کے دوران احمد آباد کے نریندر مودی اسٹیڈیم میں اپنے قیمتی ترین موبائل فون کے گم ہونے کا دعویٰ کیا ہے۔

اروشی روٹیلا نے اپنی پوسٹ میں لوگوں سے مدد کی اپیل کرتے ہوئے لکھا کہ’گزشتہ روز نریندرمودی اسٹیڈیم میں ان کا 24 قیراط سونے کا آئی فون گم ہوگیا ہے، اگر کسی کو ملے یا اس حوالے سے کسی کے پاس کوئی معلومات ہو تو مجھ سے رابطہ کریں ۔

پوسٹ دیکھیں:

Advertisement

Lost my 24 carat real gold i phone at Narendra Modi Stadium, Ahmedabad! ️ If anyone comes across it, please help. Contact me ASAP! #LostPhone #AhmedabadStadium #HelpNeeded #indvspak@modistadium @ahmedabadpolice
Tag someone who can help pic.twitter.com/2OsrSwBuba

— URVASHI RAUTELA (@UrvashiRautela) October 15, 2023

 اروشی روٹیلا کی اس پوسٹ کے بعد کچھ صارفین کی جانب سے ان پر تنقید کی جا رہی ہے جبکہ کچھ نے ان سے ہمدردی کا بھی اظہار کیا۔

ذرائع کے مطابق احمد آباد پولیس نے اس حوالے سے ان کی پوسٹ پر تبصرہ کرتے ہوئے اداکارہ سے آئی فون کی تفصیلات معلوم کی ہیں۔

واضح رہےکہ احمد آباد کے نریندر مودی اسٹیڈیم میں پاکستان اور بھارت کے درمیان ورلڈکپ کا 12 واں میچ کھیلا گیا تھا، جسے ایک لاکھ سے زائد شائقین نے براہ راست دیکھا۔

 اس میچ میں میزبان ٹیم بھارت نے عمدہ پرفارمنس کا مظاہرہ کرتے ہوئے گرین شرٹس کو یکطرفہ مقابلے کے بعد 7 وکٹوں سے شکست دی۔

ماضی میں اداکارہ اروشی روٹیلا نے قومی ٹیم کے فاسٹ بولر نسیم شاہ کی بیٹنگ اور پریکٹس کرتے ہوئے کئی انسٹااسٹوریز شیئر کی تھیں، جن پر دونوں ممالک ( پاکستان اور بھارت) میں لاتعداد میمز وائرل ہوئیں۔