پاکستان شوبز انڈسٹری کی سابقہ خوبرو اداکارہ و ماڈل عائشہ خان کی اپنے شوہر عقبہ  ملک اور دونوں بچوں کے ساتھ تصویریں سوشل میڈیا پر وائرل ہوگئی۔

گزشتہ روز عائشہ خان نے اپنی سالگرہ کی تقریب کی تصویرٰیں انسٹا گرام پر پوسٹ کیں، جس میں وہ اپنے شوہر ، بیٹی اور بیٹے کے ساتھ خوشگوار موڈ میں نظر آ رہی ہیں۔

عائشہ خان نے 2003 میں ’تم یہی کہنا‘ ڈرامے سے اپنے کیریئر کا آغاز کیا اور پھر اس کے بعد متعدد ڈراموں جیسے مہندی، شک ، مہرم ، من مائل، فلم جوانی پھر نہیں آنی اور وار میں اپنی اداکارانہ صلاحیتوں کا جادو جگایا۔

 15 اپریل 2018 کو عائشہ خان شوبز انڈسٹری کو خیر باد کہہ کر میجر عقبہ ملک سے ایک  پروقار تقریب میں شادی کے بندھن میں منسلک ہوئیں۔

اس جوڑے نے 10 نومبر 2019 کو 12 ربیع الاول کے دن اپنی بیٹی کو خوش آمدید کہا، جس کا نام اُنہوں نے ’ماہ نور‘ رکھا۔

 عائشہ خان کے شوہر میجر عقبہ ملک کو برٹش رائل ملٹری اکیڈمی سے شہزادہ ولیم کے ساتھ گریجویشن کرنے کا اعزاز حاصل ہے، وہ پہلے پاکستانی ہیں جنہوں نے نوجوان کیڈٹس کو ملٹری کی تربیت فراہم کی۔

میجرعقبہ ملک پہلے پاکستانی ملٹری آفیسرہیں جنہوں نے آر ایم اے ایس میں پلاٹون کمانڈر کی حیثیت سے فرائض انجام دیئے اور اعزازی تلوار بھی اپنے نام کر نے میں کامیابی حاصل کی۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/entertainment/2023/10/397491/amp/ کو لائک کریں

ٹوئٹر پر ہمیں فالو کریں https://www.bolnews.com/urdu/entertainment/2023/10/397491/amp/ اور حالات سے باخبر رہیں۔

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں