بالی وڈ کی بلاک بسٹر فلم ’رام لیلا‘ میں اداکارہ دیپیکا پڈوکون کے بجائے کرینہ کپورخان پہلی ترجیح تھیں۔

رنویرسنگھ نے کافی ود کرن شو میں اس حوالے سے بتایاکہ فلمساز سنجے لیلا بھنسالی نے فلم ’رام لیلا‘ میں کرینہ کپورخان کو ان کے مدمقابل کاسٹ کیا تھا ، تاہم شوٹنگ سے ایک ہفتہ قبل کرینہ کپور اپنی ذاتی وجوہات کے باعث فلم سے الگ ہو گئیں۔

اداکار نے مزید کہاکہ کرینہ کپور خان کے اس اچانک فیصلے کے بعد دفتر میں سنجے لیلا بھنسالی، تمام اے ڈیز اور وہ  بحث کر رہے تھے کہ انہیں اب کس کو فلم میں لینا چاہیے۔

 انہوں نے کہاکہ وہ اس وقت  دیپیکا پڈوکون کے حق میں تھے، ان کی فلم  کاک ٹیل (2012) اسی وقت ریلیزہو ئی تھی جو انہوں نے دیکھی تھی۔

رنویر سنگھ نے مزید کہاکہ کافی گفت وشنید کے بعد بالآخر دیپیکا پڈوکون کو ’ رام لیلا ‘ میں کاسٹ کر لیا گیا، اور پھر وہ ان کی زندگی بھر کےلئے لیلا بن گئیں۔

دیپیکا پڈوکون اور رنویر سنگھ نے اپنے کیریئر میں ایک ساتھ تین فلموں ’رام لیلا‘، ’باجی راؤ مستانی‘ اور ’پدماوت‘ میں کام کیا ، جو کہ سب سپرہٹ ثابت ہوئیں۔

اب اگلے سال انہیں فلمساز روہت شیٹی کی فلم ’سنگھم اگین‘ میں ایک ساتھ دیکھا جائےگا۔

یہ بھی پڑھیں: کافی ود کرن میں کونسی شادی شدہ جوڑی شرکت کریگی؟

واضح رہے کہ رنویر سنگھ نے 2015 میں دیپیکا پڈوکون سے اپنی محبت کا اظہار کیا تھا جبکہ 2018 میں اس جوڑے نے اٹلی میں ایک پُروقار تقریب میں دھوم دھام سے  شادی کی تھی۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.bolnews.com/urdu/entertainment/2023/10/404221/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/entertainment/2023/10/404221/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں